Эдийн засгийн хөгжлийн сайд Ч.Хүрэлбаатар Хөрөнгө оруулалтын тухай хуулийн шинэчилсэн найруулгыг УИХ-ын чуулганаар батлуулахаар гол дүрд "тоглон" улайрч байгаа билээ. Харин энэ хуулийг батлуулахыг эсэргүүцэж сөрөг хүчнийхэн болон иргэд, олон нийт түүнтэй дайн зарласан байдалтай байна. Сайдын хувьд энэ хуулийг нэн даруй батлуулж, хуулийг хэрэгжүүлэх ёстой гэж үзэж буй. Олон нийт хөрөнгө оруулалт нэрээр гадныханд газар нутгаа худалдаж, харийнханд боломж олгохоор улайрч байгаагийн цаана Ч.Хүрэлбаатарт том эрх ашиг нуугдаж байна уу даа хэмээн хардаж буй.
Ардчилсан намыхан ч түүнийг ихэд эсэргүүцэж нэр бүхий гишүүд Үндсэн хуулийн цэцэд хандаж байгаагаа өчигдөр мэдэгдэж, мэдээлэл хийсэн юм. Энэ үеэр АН-ын дэд дарга П.Галиндэв өчигдөр мэдээлэл хийхдээ "Ч.Хүрэлбаатар гэж сайдаас намынхан нь айгаад хөдлөхгүй байна. Ард түмнийг тоохгүй байна. Сонгуулийн дараа Ч.Хүрэлбаатарыг дараагийн Ерөнхий сайд болно гэж намынхан нь дотроо ярьж байна гэсэн. Энэ үнэн юм байна л даа. Ардын намынхан айгаад дуугардаггүй юм байна" гэж ярьсан юм. Тэгвэл 2024 оны УИХ-ын сонгуулийн дараа МАН-ын дарга Ерөнхий сайд Ч.Хүрэлбаатар болох эсэхийг цаг хугацаа харуулах
