БГД-ийн нутаг дэвсгэр буюу Нарны хорооллын гүүрэн гарцын ажлыг дуусгаж, өнөөдөр албан ёсоор хүлээлгэн өгөх хүндтэй ёслол төгөлдөр ажлыг дүүргээс их хуралд сонгогдсон гишүүн, УУХҮ-ийн сайд Ж.Ганбаатар тэргүүтэй дүүргийн удирдлагууд оролцож гардан хийлээ.

Гүүрэн гарцны тендерийг анх 1.5 тэрбум орчим төгрөгөөр зарласан ч гүйцэтгэгч компани 1.2 тэрбумаар барьсан гэдгийг албаныхан онцолсон байна. Тэгвэл зураг төсөл дээрх зураг болон бодит байдал хоёрын зураг асар өөр буюу зөрүүтэй бүр "инээдэмтэй" харагдаж байгааг иргэд шүүмжилж эхэлсэн. Хүүхдийн тоглоом шиг юм барьчихаад үүнийгээ 1,2 тэрбум төгрөгөөр барьсан гэж хэлэхээсээ ичээсэй билээ. Шат шатандаа тендерийн мөнгийг ингэж идэж ууж, зусалдаг юм байна гэсэн шүүмжлэл иргэдийн дунд тарж эхэллээ. Яг бодит зургийг нь харах юм бол яавч 1,2 тэрбум төгрөгийн өртөгт хүрэхгүй ээ, одоо цагт бол үндсэн үнэ 300-400 сая болж таарах энэ бүтээн байгуулалтын мөнгөнөөс магадгүй дарга, удирдлагууд, гүйцэтгэгч нэртэй компаниуд хумсалсан байхыг үгүйсгэхгүй юм.

Ямартаа ч зам хөндлөн гардаг явган зорчигдын аюулгүй байдлыг хангаж, гарцаар осол аваар аюулгүй явуулах зорилготой зам дээгүүр баригдсан орой гэрэл асдаг, 55-60 метр ут гүүрэн байгууламж өнөөдөр ийнхүү ашиглалтад орлоо. Байгууламжийг барьж ашиглалтад оруулсан компани нь хамгийн багадаа 3 жилийн баталгаа өгчээ. Гурван жилийн хугацаанд хэр эдэлгээтэй эд вэ гэдгийг цаг хугацаа харуулна, чанарыг иргэд шалгана даа.