Их Британи, Германы одон орон судлаачдын баг Сүүн замаас мэдэгдэж буй бүх нейтрон одноос хүнд, хамгийн хөнгөн хар нүхнүүдээс ч хөнгөн шинэ нууцлаг биетийг илрүүлжээ.
Энэ биет нь биднээс 40 мянган гэрлийн жилийн зайд оршдог бөгөөд 1-ээс 10 миллисекунд хүртэлх эргэлтийн хугацаатай пульсарыг тойрон эргэдэг. (Миллисекунд нь секундыг нэг мянга хувааснаар илэрхийлэгдэх цаг хугацааны нэгж юм. Харин пульсар нь эргэлтийн тэнхлэгт налуу соронзон орон бүхий эргэдэг нейтрон одод юм)
Манчестерийн их сургууль болон Мюнхений Макс Планкийн хүрээлэнгийн энэ объектыг нээсэн судлаачид (тэдгээрийн тайланг Science сэтгүүлийн онлайн хэвлэлээс харж болно) энэ бол пульсар ба хар нүхний мэдэгдэж буй анхны хоёртын систем юм. Энэ нь Эйнштейний Харьцангуйн онол болон хар нүхний дүр төрхийг шинээр харах боломж олгоно.
"Пульсар-хар нүхний систем нь таталцлын онолын чухал сорилт болох ба хүнд нейтрон од нь цөмийн физикт маш өндөр нягтрал дахь үйл явцын талаар шинэ ойлголт өгөх болно" гэж Манчестерийн их сургуулийн астрофизикч профессор Бен Стэпперс таамаглаж байна.
Эх сурвалж: ВВС
