Германы Батлан хамгаалахын сайд Борис Писториус Берлин Оростой цэргийн мөргөлдөөн үүсч болзошгүй аюулыг хүлээн зөвшөөрөх ёстой гэж мэдэгдэв. Тэрээр энэ тухайгаа ZDF телевизийн сувгаар цацсан бөгөөд нэвтрүүлгийн бичлэгийг YouTube дээр нийтэлсэн байна.
Писториус Германыг Оростой хийх дайнд бэлтгэхийг уриалж, ийм магадлалыг анхааралдаа авах ёстой гэж онцолжээ.
“Бид ямар нэг зүйлийг тооцохдоо хэзээ, хэрхэн ирэх нь тодорхойгүй байгаа аюулын нөхцөл байдалд тааруулах хэрэгтэй. Ийм болзошгүй тохиолдлын төлөө бид НАТО-гийн холбоотнуудтайгаа хамтран өөрсдийгөө зэвсэглэх шаардлагатай байна" гэдгийг тэрбээр оонцолжээ.
Сайдын хэлснээр, Балтийн орнуудад Германы армийн анги, бригадууд байгуулах ёстой бөгөөд 2027 он гэхэд "байлдааны бүрэн бэлэн" байдалтай болно.
Өмнө нь АНУ-ын армийн экс командлагч Бен Ходжес болон хэд хэдэн цэргийн шинжээчид Орост НАТО-д халдах хувилбар бий гэж мэдэгдсэн юм. Германы Батлан хамгаалах яамны хувилбараар бол 2025 оны зун эхлэх боломжтой НАТО Оросын хооронд болох дайны төлөвлөгөөг Герман улс боловсруулж байна гэж өмнө нь мэдээлж байв.
Эх сурвалж: Лента.ру
