Иргэн Д.Мөнх-Эрдэнэ өчигдрийн ноцтой осол болсон газарт очиж, хэвлэлийнхэнд мэдээлэл өгчээ.

Тэрбээр "Манай найз дүүгийнхээ хамт энэхүү ноцтой осолд өртжээ. Түлэгдэл нь 50-60 хувьтай байна. Бусад хүмүүс ч хүнд хөнгөн хэлбэрээр түлэгдсэн байна. Найзыгаа сахиад ээж аавтай нь байж байна.

Иргэн хүний хувьд бодоход стандарт мөрдөгдөхөө байсны хор уршиг харагдаж байна. Газар хөдлөлт гал усанд ямар байгааг хар даа.

Газ ачиж яваа машины хувьд гэвэл газын агуулах Улаанбаатараас хол зэлүүд газар байх ёстой. Хот орон нутаг руу зөөхөд 1-2 тонноор зөөх ёстой. Гэтэл яагаад хотод 60 тонн газ ачсан машин тээвэрлээд явчихав гэдэг нь ноцтой асуудал юм. Нийслэлд сая гаруй хүн амьдарч байна. Хүн ам ихтэй газар аюулгүйн стандарт хангаж чадахгүй байна. Энэ осол өдрийн цагаар түгжрээн дунд болсон байвал яах уу, аюултай биз дээ.

Хотын төвд ШТС баймааргүй байна. Нэг ШТС-ын орлогыг бодож, нийтээрээ дэлбэрч шатаж үхэх үү. Аюулгүй байдал, стандарт мөрдөгдөхгүй байгаа нь харамсалтай.

Тэр жолоочийн хувьд хөгшин хүн байна билээ. Яагаад хөгшин хүнээр машин бариад явуулсанд хариуцлага тооцох ёстой. Хөдөлмөрийн хууль мөрдөгдөхгүй байна. Гал хаана ч хэзээ ч гарч болно. Хот төлөвлөлт ямар байгаа билээ та нар харж мэдэж байгаа биздээ. Ямар ч стандартгүй" гэлээ.