Монголчууд сар шинийн баярыг өргөн дэлгэр тэмдэглэн өнгөрүүлдэг уламжлалтай. XXVI жарны “Хилэнт-Эх” хэмээх модон луу жилийн билгийн тооллын хаврын тэргүүн сарын шинийн нэгэн хоёрдугаар сарын 10-нд тохиож буй. Сар шинийн баяраар идээний дээдээр ширээгээ чимж, эдийн дээдийг эдэлж, шинэ дээл хувцас өмсч, сайхан бүхнийг бэлгэшээн саар муухайг цээрлэж тэмдэглэдэг билээ.
Энэ баярт хамгийн чухал идээ бол сондгой тоот хэвийн боовоор өрж зассан идээ байдаг. Иймд Сар шинийн баярын хамгийн чухал идээ болох хэвийн боовны үнийн мэдээллийг нэгтгэн хүргэж байна.
"Талх чихэр" ХК-ийн хэвийн боовны үнэ багцаар худалдаалж байгаа бөгөөд тоо ширхэг кг-аас шалтгаалан үнийн хувьд өөр байна.
Багцын үнэ:
- 0.4 кг, 21 ширхэг- 109,200
- 0.4 кг, 25 ширхэг- 162,500
- 0.6 кг, 25 ширхэг- 287,500
Харин ширхэгийн үнэ нь: 5000-11,500 төгрөгийн хооронд худалдаалагдаж байна.
"Өгөөж чихэр боов" ХК-ийн хэвийн боов өнгөрсөн жил нэг ширхэг нь 4850 төгрөгөөр хэвийн боов худалдаалжээ. Харин энэ жилийн хувьд нэг ширхэг хэвийн боов 5100 төгрөгөөр борлуулагдаж байна.
"Бамбууш" ХХК зүсэлт, хэв хийцээсээ шалтгаалан нэг ширхэг хэвийн боовыг 4800-6600 төгрөгөөр худалдаалж байна. Мөн тоо ширхэгээсээ хамаарч 78-138 мянган төгрөгөөр багцууд борлуулж байна.
"Суман гүн" трейдийн хэвийн боов 4800-5500 төгрөгөөр зарагдаж байна. Учир нь хэвийн боовныхоо зүсэлттэй зүсэлтгүйгээс хамаарч үнэ нь тогтмол бус байгаа юм.
"Ургах жигүүр" ХХК ширхэгийн үнэ 8000 төгрөг.
"Атар Өргөө" ХХК ширхэгийн үнэ 6500 төгрөг.
Үүнээс үзэхэд зарим газрын хэвийн боов өнгрөсөн жилүүдийн ханшнаас 100-400 төгрөгөөр нэмэгдсэн үзүүлэлттэй байна. Мөн хэвийн боовны зүсэлт болон жингээс шалтгалан үнийн хувьд харилцан адилгүй борлуулагдаж байна.
Эх сурвалж: Hardnews.mn
