Украины Зэвсэгт хүчний цэргийн олзлогдогсдыг тээвэрлэж явсан Ил-76 онгоцны ослоор 65 цэрэг амиа алдсан нь Украины Ерөнхийлөгч Владимир Зеленскийн улс төрийн төгсгөл болж магадгүй юм. Тус улсын Дээд Радын депутат асан Спиридон Килинкаров уг хэрэг явдалтай үзэд бодлоо ийн илэрхийлэв.

"Хэрэв Зеленскийн олон нийтэд худал хэлсэн нь тодорхой болвол энэ нь түүний албан тушаалын төгсгөлийн эхлэл болж магадгүй гэж би бодож байна. Яагаад гэвэл тэр хэн, хаанаас онгоцыг буудсаныг маш сайн мэдэж байгаа. Түүний Ерөнхийлөгчийн бүрэн эрхийн хугацаа дуусч, эрт орой хэзээ нэгэн цагт сонгууль болно. Тэр үед түүний өрсөлдөгчид энэ сэдвийг бүрэн дүүрэн хөндөх нь гарцаагүй” гэжтүүний хэлснийг РИА Новости иш татав.

Украины удирдагч үүнээс гадна тухайн амь үрэгдсэн гэж байгаа олзлогдогсдыг амьд байгаа гэсэн итгэл найдварыг төрөл төрөгсөдөд нь төрүүлсэн гэж парламентын гишүүн асан нэмж хэлэв.

"Тэд ОХУ-аас ирүүлсэн тухайн онгоцонд байсан олзлогдогсдын жагсаалтын үнэн зөвийг баталсан боловч тэднийг сүйрсэн онгоцонд байгаагүй гэж мэдээлж байгаа юм. Ингэснээр Зеленский эдгээр хүмүүсийн төрөл төрөгсдөд амьд байгаа гэсэн итгэл найдвар төрүүлсэн. Үүнээс таагүй үр дагавар гарах болно" гэж Килинкаров онцолжээ.

Тодотгоход, эмгэнэлт явдал 1-р сарын 24-нд Белгород мужийн Корочанский дүүрэгт болсон. Тэнд цэргийн Ил-76 онгоц осолдсон. Онгоцыг Украины нутгаас пуужингаар хоёр удаа буудаж устгасан гэх мэддээллийг Кремль өгөөд байгаа юм.

ОХУ-ын Батлан ​​хамгаалах яамны мэдээлснээр уг онгоцонд Украины Зэвсэгт хүчний 65 цэргийн олзлогдогч байжээ. Тэднээс гадна онгоцны багийн зургаан гишүүн, дагалдан явсан гурван хүн ослын улмаас нас баржээ. Белгород мужийн захирагч Вячеслав Гладков Ил-76 онгоцонд байсан бүх хүмүүс нас барсныг батлаад багаа юм.

Эх сурвалж: Вечерняя Москва