Өнгөрсөн өдрүүдэд ихэнх нутгаар хүйтний эрч эрс нэмэгдэж, цас орж, цасан шуурга шуурч, үзэгдэх орчин хязгаарлагдах, зам даваа, гүвээнд халтиргаа гулгаа нэмэгдэж буй “Эрдэнэс алт ресурс” ХХК-ийн М.Золбаатар ахлагчтай нэгдүгээр ээлжийн уурхайн хамт олон 2024 оны 02 дугаар сарын 12-ны өдрийн цасан шуурганаар Дундговь аймгийн Говь-Угтаал сумаас Дундговь аймгийн төв рүү явж байсан Estima маркийн тээврийн хэрэгсэлтэй 9 иргэн буюу 2 том хүн, 0-14 насны 7 хүүхдийг Салхит уурхайн бүсээс 5 км зайд цасан шуурганд 4 цаг гаруй суусан байсныг олсон. Мөн Өмнөговь аймгийн Цогтцэций сумаас Говь-Сүмбэр аймаг руу явж байсан приус 20 маркийн машинтай 6 иргэн, Дундговь аймаг руу явж байсан приус 30 маркийн машинтай 5 иргэнийг цаснаас гаргаж уурхайн ажилчдын кемпэд байрлуулж, хоол ундаар хангаж амь насыг аварч ажиллаа.

2024 оны 02 дугаар сарын 17-ний өдрийн цасан шуурганаар Гурвансайхан сумын онцгой комисс тусламж хүссэний дагуу эрэн хайх ажиллагаанд СУБҮ-ийн уурхайчид шуурхай хамтран ажиллаж цасан шуурганд төөрсөн, сураггүй болсон 23 настай иргэнийг 21:44 минутад олж уурхайн эмчийн анхан шатны тусламж үзүүлэн нийт 21 хүний амь насыг аварч ажилласан байна.