Америкийн бизнес эрхлэгч, тэрбумтан Илон Маск Жо Байдены ерөнхийлөгчөөр ажиллаж эхэлснээс хойш анх удаа 2023 онд Цагаан ордонд зочилжээ. Энэ тухай NBC News агентлаг мэдээлэв.
Мэдээнд дурдснаар Илон Маск 2023 оны есдүгээр сард Цагаан ордонд нууцаар айлчилсан гэж тэмдэглэжээ. Цагаан ордны мэдээлснээр бизнесмэн хиймэл оюун ухааны сэдвээр албаны хүмүүстэй ярилцсан байна. Гэвч Маск тэнд АНУ-ын Ерөнхийлөгчтэй уулзаагүй.
"Цагаан ордон энэ нь Байдены засаг захиргааны үед хийсэн Маскийн цорын ганц айлчлал гэдгийг баталсан" гэжээ
АНУ-ыг Барак Обама, Дональд Трамп нар тэргүүлж байх үед Илон Маск Цагаан ордонд хэд хэдэн удаа зочилж байв.
Маск, Цагаан ордон хоёрын харилцаа муудсан шалтгааныг Москвагийн Улсын Их Сургуулийн дэргэдэх Рузвельтийн нэрэмжит Америк судлалын сангийн захирал Юрий Рогулев "энэ нь АНУ-ын засаг захиргааг шүүмжилсэнтэй холбоотой" гэж мэдээлж байв.
Эх сурвалж: Лента.ру
