Японы бэйсболын супер од Шохэй Отани гэрлээд удаагүй байгаагаа өнгөрсөн сарын сүүлээр нийтэд зарласан нь томоохон дуулиан болж байв.
Тэрбээр тухайн үед гэргийнхээ талаар “жирийн япон эмэгтэй”, танилцаад цөөн хэдэн жил өнгөрсөн гэхээс өөр мэдээлэл өгөөгүй юм.
Тэгвэл өчигдөр Отанигийн гэргий хэн болох нь анх удаа олон нийтэд ил болжээ.
Хос хоёрын гэрэл зураг, дүрс бичлэг Отанигийн Инстаграм хуудсанд, бас түүний тоглодог Los Angeles Dodgers клубийн сошиал хуудсанд нийтлэгдсэн байна.
Next stop: Seoul pic.twitter.com/JCt5qS3HDf
— Los Angeles Dodgers (@Dodgers) March 14, 2024
Бэйсболын одтой гэрлэсэн бүсгүй нь 27 настай сагсан бөмбөгийн тамирчин Мамико Танака байжээ. Тэрбээр 2019-2023 онуудад Японы Эмэгтэй Сагсан Бөмбөгийн Лигийн “Fujitsu Red Wave” багт тоглож байсан юм.
29 настай Отанигийн хувьд өнгөрсөн оны сүүлээр Los Angeles Dodgers клубтэй 10 жилийн хугацаатай, $700 саяын гэрээ байгуулсан нь АНУ-ын бэйсболын лигийн түүхэнд хамгийн өндөр үнэтэй гэрээ болсон.
Тэрбээр ирэх Лхагва гарагт Өмнөд Солонгосын нийслэл Сөүл хотод San Diego Padres багтай хийх тоглолтод анх удаа багийнхантайгаа талбайд гарах гэж байна.
Эх сурвалж: Associated Press
