Гуравдугаар сарын 29-нд жүжигчин Немо буюу Б.Номин "Baji & Ylalt" ярилцлагын нэвтрүүлэгт орсон бөгөөд энэ ярилцлагынхаа үеэр "Оюутан байхдаа доод үеийнхнийгээ дээрэлхэж байгаагүй" гэж ярьжээ.
Түүнийг ингэж ярьсанд тухайн үед доод курсэд нь түүнд дээрэлхүүлж байсан нэгэн охин бухимдаж, өөрийн дургүйцлээ илэрхийлсэн байна. Тэрбээр "Хүүе ээ, Жерри, Немо, Б.Мишээл гурав манай ангийн охидыг зоддог байсан шүү дээ. Яаж ингэж яг үнэнгээсээ ярьж байгаа юм шиг худлаа ярьж чаддаг юм бэ? Хоёр жилийн турш биднийг зодож нүдэж, зовоосон. Намайг сургуулиас хөөлгөх гэж манай ангийн охидод "Гадуурхаж байгаад өөрийнх нь хүсэлтээр сургуулиас гарга" гэж дарамталсан байсан. Биднийг базах цаашаа байсныг бүх доод үеийнхэн мэдэж байгаа. Бас л гоё ярих юм аа. Энэ гурав хүмүүсийн нүдэн дээр ингэж л яриад яваад байх юм.
Манай ангийн охины хамрыг хугартал цохиж байсан. Байнга нүүрийг нь алгадаад, цээж рүү нь цохиод бүгд хөх няц явдаг байсан. Зуун төгрөг өгөөд "Дарс, зайрмаг авч ир. Хариултыг нь өгөөрэй" гэж дарамталдаг байсан. Байнга харааж, муухай үгсээр дууддаг. Хэзээ ч ийм хүн биш шүү" хэмээжээ.
Түүний энэхүү постон дээр үлдээсэн зарим хүний сэтгэгдлийг та бүхэндээ хүргэе.
- "Яагаад зодуулаад байдаг байснаа одоо ойлгодоггүй"
- "Үнэн. Алгадуулчихаад хавдсан хацартай тоглолт руугаа явж байсан"
- "Үнэн шүү. Одоо ярьж байгаа зүйлсийг нь сонсохоор биднийг хэн ч биш гэж боддог байсан бололтой"
- Одоо өөрөө үр хүүхэдтэй болоод эргээд бодохоор "Муухай хүмүүс вэ" гэж боддог. Дөнгөж СУИС-д ороод эгч нар гээд гоё юм бодож байтал "Чи яасан алцгар юм", "Таван мянган төгрөг зээлчих", "Та нартай үзвэл ална", "Зайрмаг аваад ир" гэх мэтээр дээрэлхэж эхэлсэн.
