Нийслэлийн МАН-ын хороо хуралдаж, Д.Сумъяабазарын намын хорооны даргаас чөлөөлөгдөх хүсэлтийг хэлэлцжээ.
Тодруулбал, Нийслэлийн МАН-ын хорооны дарга Д.Сумъяабазар өөрийн хүсэлтээр чөлөөлөгдөх өргөдлөө өгсөн. Өчигдөр МАН-ын Удирдах зөвлөл хуралдаж, Нийслэлийн МАН-ын хорооны даргад Нийслэлийн Засаг дарга Х.Нямбаатарыг нэр дэвшүүлсэн билээ.
Тэгвэл өнөөдөр болсон Нийслэлийн намын хорооны хуралд оролцсон төлөөлөгчдийн олонхи нь Х.Нямбаатарыг Нийслэлийн МАН-ын хорооны даргаар томилохыг дэмжиж, тамга тэмдгийг нь гардуулан өгчээ.
Ингэснээр Х.Нямбаатар 2024 оны УИХ-ын сонгуульд болон орон нутгийн сонгуульд нийслэлийн намын хороогоо удирдан ажиллахаар болж байна.
2024 оны УИХ-ын сонгуулийн 13 тойргийн зургаа нь нийслэл Улаанбаатар хотын тойрог байхаар тогтсон юм. Тавдугаар сарын 20-ны дотор нам эвслүүд нэр дэвшигчээ тодруулах хуулийн хугацаатай.
