Монгол Улсын иргэн О.Отгонтөгс Говь-Алтай аймагт амарч явахдаа, УИХ-ын Сонгуулийн 2-р тойрогт МАН-аас нэр дэвшигч, УИХ-ын гишүүн, Шадар сайд бөгөөд Эдийн Засгийн Хөгжлийн Сайд Ч.Хүрэлбаатартай холбоотой асуудлаар байр сууриа илэрхийлсэн, "Төрд 16 жил суусан та одоо болих хэрэгтэй" гэх агуулгатай видео бичлэг хийн, нийгмийн сүлжээн дэхь хуудсандаа нийтэлжээ.

Үүнд нь уурссан Ч.Хүрэлбаатар Говь-Алтай аймгийн Шарга сумын буудалд амарч байсан иргэн О.Отгонтөгсийн өрөө рүү дайрч орон, шууд дамжуулалтаар дамжуулан "Би хужаа биш, би мундаг ажилласан. Би хулгайч, луйварчин биш.

Чи чинь Отгонцөгц билүү? хэн билээ? Чамайг цагдаад өгнө. Чи битгий олон юм яриад бай!" гэх зэргээр хэрэлдэх, хэлэлцэхийн завсар ярьж байгаад, хэсэг намынхаа гишүүдээр иргэн О.Отгонтөгсийг манай нутгаас зайл хэмээн хөөлгөжээ. Энэ үеэрээ Ч.Хүрэлбаатар архи уусан, халамцуу байсан хэмээн хажууд нь байсан хүмүүс өгүүлсэн байна. Иргэдийн шүүмжлэл бол байдаг л зүйл. Сайд, дарга нар шүүмжлүүлж л байдаг, иргэд шүүмжилж л байдаг. Гэхдээ Ч.Хүрэлбаатар шиг шатаж, хэрүүл уруул хийж байсан түүх үгүй. Өөрөөр хэлбэл Ч.Хүрэлбаатар Монгол төрийн сайдын албыг дэндүү их гутаасан үйлдэл хийчихлээ дээ.

С.Сарнай