Сэтгүүлч Н.Өнөрцэцэгийг “Нэр бүхий 4 иргэн, 1 хуулийн этгээдийн нэр төр, алдар хүнд, ажил хэргийн нэр хүндэд халдсан илт худал мэдээллийг олон нийтэд тараасан”, “Хувь хүний хуулиар хамгаалагдсан нууцыг олж мэдсэн хүн өөрийнх нь зөвшөөрөлгүйгээр цахим сүлжээ ашиглаж задруулсан”, “Татвар төлөгч хувь хүн, хуулийн этгээдийн удирдах, гүйцэтгэх албан тушаалтан татвар төлөхөөс зайлсхийх зорилгоор их хэмжээний татвар ногдох орлогоо зориуд худал тодорхойлсон, нуусан”, “Татвар төлөхөөс зайлсхийх гэмт хэргийн улмаас олсон хөрөнгө, мөнгө, орлого гэдгийг мэдсээр байж ашигласан”, “Төрийн нууцад хамаарах мэдээ, баримтыг хадгалсан” гэмт хэрэг үйлдсэн гэм буруутайд тус тус тооцож, нийт 4 жил 9 сарын хугацаагаар хорих ялаар шийтгэж, оногдуулсан ялыг нээлттэй хорих байгууллагад эдлүүлэхээр шийдвэрлэсэн билээ.

Үүнтэй холбоотойгоор УИХ-ын гишүүн асан, АН-ын ҮБХ-ы гишүүн Г.Баярсайхан нийгмийн сүлжээнд байр сууриа илэрхийлэн,

"Хэрвээ Ардчилсан нам араа шүдтэй арслан бар шиг сөрөг хүчин байсан бол Ардын нам Өнөрөгийн толгойноос ширхэг ч үс унагааж чадахгүй айх байлаа. Иймд Өнөрөөг хэлмэгдүүлсэнд аймхай олиггүй байгаа Ардчилсан нам буруутай." гэжээ.

С.Сарнай