Нийслэлийн Засаг дарга бөгөөд Улаанбаатар хотын захирагч Х.Нямбаатар замын компаниудын удирдлагуудтай уулзах үеэрээ: "Ардчилсан Намаас бөөн "Залуу Женкоч"-ид нэр дэвшиж байгаа. Болсон болоогүй энд, тэнд очиж лайв хийдэг шизотой бацаанууд . Иймээс мэргэжлийнхэн та нар дуугарах хэрэгтэй. Ажил хийж үзээгүй, хүүхэд байхаасаа хойш хүнийг хөлсөөр шантаэа хийдэг 20, 30 нөхрийг АН НИТХ-д дэвшүүлсэн байсан.
Тэдэнд та нар өгөөш болно шүү. Залуу Женкочид юу ч хийхгүй. Луйвар, шантайж, улс орны хөгжлийг хэрхэн хойш нь татах уу гэдэг бацаанууд нийлчихсэн НИТХ-д нэр дэвшиж байна.
Би өнөөдрөөс эхэлж Женко руу хандаж өдөр бүр нэг мэдээлэл хийнэ. "Женко"-ийн хийсэн хулгай луйврыг цувралаар олон нийтэд мэдээлнэ.
Хэдэн луйварчин бацааныг юм хийсэн хүмүүсийн өмнө турхирч тавьж байгаа бол мафын толгойлогч "Женко"-ийн 17 чингэлэг спиртээс хойших бүх цуврал хэргийг олон нийтэд сануулж, хууль хяналтын байгууллагад дуудуулах арга хэмжээ авна " гэсэн билээ.
Тэгвэл НИТХ-ын сонгуульд АН-аас дэвшигч О.Батханд:
"Хотын дарга Х.Нямбаатар 2024 оны НИТХ-д нэр дэвшигчдийг хомроглон гүтгэлээ. Залуу Женкочид буюу багаасаа шантааж, луйвар, хулгай хийж ирсэн 20-30 залуу нэр дэвшиж байна. Тэд улс орны хөгжлийг хойш татна гэж мэдэгдлээ. Х.Нямбаатар та Хуульзүйн сайд байсан хүн учраас бусдын нэр төр, алдар хүндэд шүүхээр гэм буруутай нь тогтоогдоогүй байхад халдаж болохгүй гэдгийг маш сайн мэдэх ёстой. Хэдий сонгууль ч гэлээ шударга, ёсзүйтэй өрсөлдөх, улс төрийн соёл бидэнд байх ёстой.
Миний аав Зундуйн Дорж малын хулгайтай тэмцэж ирсэн эх оронч хүн байсан. Манай намын нэр дэвшигч нар багаасаа хулгай, шантааж хийсэн хүн байхгүй тул төсвийн хулгайч нартай тэмцэхээр нэр дэвшиж байгаа.
Х.Нямбаатар та энэхүү хариуцлагагүй үйлдэлдээ Ардчилсан намын нэр дэвшигчдээс уучлал гуйна уу. Уучлал гуйхгүй тохиолдолд НИТХ-д нэр дэвшигч Ардчилсан намын залуус бид хуулийн байгууллагад хандаж нэр төрөө сэргээлгэх болно. Эрх баригч намд эрх мэдэл, хөрөнгө мөнгө байж болно. Гэхдээ та бүхэнд бусдыг доромжлох, гүтгэх эрх хуулиар олгогдоогүй болно. Залуучууд бид нам үл харгалзан улс төрийн соёлтой өрсөлдөхийг уриалж байна. Та бүхний сонгуулийн ажилд амжилт хүсье" гэсэн байна.
