ВАШИНГТОН, 2024 оны аравдугаар сарын 6 /CNN/. АНУ-ын Ерөнхийлөгч асан Дональд Трамп энэ оны долоодугаар сард амь насанд нь халдах оролдлого гарсан Пенсильвани муж улсын Батлер хотод сонгуулийн кампанит ажлын цуглаан зохион байгуулжээ. Тэрбээр уг халдлагын үеэр амь эрсэдсэн Кори Комператоред хүндэтгэл үзүүлж, ар гэрийнхэнд нь эмгэнэл илэрхийлсэн байна.
Ерөнхийлөгч асан мөн уг арга хэмжээний үеэр “Tesla” компанийн гүйцэтгэх захирал, технологийн салбарын тэрбумтан Илон Маскийг тайзан дээр үг хэлэхийг урьжээ. И.Маск үг хэлэхдээ, ийнхүү тайзан дээр зогсох нь нэр төрийн хэрэг гэдгийг би онцлоод, 2024 оны сонгуулийг “бидний амьдралд тохиож буй хамгийн чухал сонгууль” гэж тодорхойлсон байна.
Долоодугаар сард Ерөнхийлөгч асны амийг хөнөөх оролдлого гарсны дараачаас И.Маск Д.Трампыг дэмжих болсон бөгөөд түүнээс хойш өөрийг нь дэмжиж байгаагаа ил тод илэрхийлэх болжээ.
Түүнчлэн Д.Трамп сонгуульд ялсан тохиолдолд И.Маскийг засгийн газрын үйл ажиллагааны үр дүнг хянах албаны тэргүүнээр томилно гэдгээ мэдэгдсэн юм.
Харин ерөнхийлөгчийн сонгууль болоход яг нэг сарын хугацаа үлдээд буй энэ үед Ардчилсан намаас нэр дэвшигч Камала Харрис бямба гарагт Хойд Каролина муж улсад хүрэлцэн очжээ.
Дэд Ерөнхийлөгч тус муж улсад албаны хүмүүстэй уулзаж, “Хелен” хар салхины нөлөөгөөр учирсан хохиролтой биечлэн танилцсан байна. Уг шуурганы улмаас АНУ-д 220 гаруй хүн амиа алдсаны дийлэнх нь Хойд Каролинад бүртгэгджээ.
Э.Хулан
Эх сурвалж: "Монцамэ" агентлаг
