Онц Бөгөөд бүрэн эрхт Элчин, ахмад дипломатч. Олон улсын харилцааны судлаач, профессор, нийтлэлч Д.Баярхүү УИХ-ын гишүүн асан М.Зоригтын хөтлөн явуулдаг "Зоригтын цаг" нэвтрүүлэгт Монгол Улсын Баатар Э.Бат-Үүлийн хамт оролцов. Энэ үеэрээ Монгол Улсын Ерөнхийлөгч асан Х.Баттулга гадаад бодлогыг буруу явуулсан, Орос руу хэт хэлбийсэн гэх хов живийн шинжтэй яриаг мэргэжлийн ул үндэстэй, бодит баримтаар няцаасан юм.
Харин ч Х.Баттулгыг Ерөнхийлөгч байх үед Монгол Улс, АНУ-ын харилцаа одоо байгаа хамгийн өндөр түвшиндээ хүрсэн аж.
Тодруулбал Д.Баярхүү нэвтрүүлгийн үеэр: " "Женко" гэсэн нэр ярианы үеэр их олон гарлаа. "Женко" буюу Х.Баттулгыг Монгол Улсын Ерөнхийлөгч байхдаа Владивостокийн чуулганд олон удаа очиж оролцсон, В.В.Путиныг Монголд айлчлуулсан, НҮБ-ын чуулганд оролцоогүй гэх зэргээр ярьж байна. Би яагаад Х.Баттулгыг үнэлж байна вэ? гэвэл 2019 онд АНУ-д айлчлаад, АНУ-ын Ерөнхийлөгч Доналд Трамп гэх этгээд сонин хүнтэй протоколын дагуу 30 минут уулзах ёстой байтал анхаарлыг нь татаж, олон цаг ярилцсан.
Хамгийн гол нь Монгол, АНУ-ын хооронд стратегийн түншлэлийг маш хурдан тогтоож чадсан.
Тэр үед Цагаан ордонд хэлэлцээнд сууж байсан гэрчүүд байгаа. Трамп маш задгай хүн учраас уулзалтын үеэр Монголын газрын зургийг аваад ир гэсэн. Трамп газрын зургийг харж байснаа, Үгүй ээ, та нар чинь энэ юм уу? Орос, Хятадын дунд, далайд гарцгүй байж яаж тэсээд байдаг юм бэ? Иж бүрэн стратегийн түншлэл байна уу? Путинд хэлүүлэх юм байна уу? гэхэд нь Х.Баттулга: "Сибирийн түймрийг унтраалгачих л даа" гэж хариулсан юм билээ" гэсэн юм.
С.Сарнай
