УИХ-ын гишүүн асан “Ажнай” Д.Бат-Эрдэнийг бусдаас хууль зүйн туслалцаа авсан төлбөрөө өгөөгүй гэх хэргээр эрэн сурвалжилж байсан.
Тодруулбал, “Ажнай” Д.Бат-Эрдэнийг Сүхбаатар дүүргийн шүүхээс өнгөрсөн наймдугаар сарын 26-наас хойш эрэн сурвалжилж эхэлсэн юм. Ингэхдээ Иргэний хэргийн анхан шатны шүүхээс түүнд иргэний хэрэг үүсгэн шүүхийн дуудан ирүүлэх тухай мэдэгдэх хуудас хүргүүлсэн ч дуудсан хугацааанд ирээгүй тул эрэн сурвалжилж байсан. Түүнчлэн цагдаагийн байгууллагад хандсанаар цагдаагийн байгууллага өнгөрсөн есдүгээр сарын 9-ний өдрөөс /2024.09.23/ эхлэн эрэн сурвалжлалтын санд бүртгэн хайж эхэлсэн юм.
Улмаар “Ажнай” Д.Бат-Эрдэнийн өмгөөлөгч шүүх байгууллагатай холбогдож, эрэн сурвалжлах ажиллагааг зогсоогоод байсан юм. Тэгвэл “Ажнай” Д.Бат-Эрдэнэ Монголд байгаа нь саяхны нэгэн үйл явдлаас тодорхой болжээ. Тодруулбал, энэ сарын 25-ны өдөр “Монгол Арт” галерейд нээлтээ хийсэн “Өмнийн сайхан говиор” үзэсгэлэнд “Ажнай” Д.Бат-Эрдэнэ зочилсон байна.
Б.Наранчимэг
