УИХ-ын гишүүн, Аж үйлдвэржилтийн байнгын хорооны дарга С.Ганбаатар Цөмийн энергийн тухай хуультай холбоотой асуудлаар Төрийн ордонд мэдээлэл хийв.
Энэ үеэр өөрийгөө сэтгүүлч гэж нэрлэсэн, хаана ямар ажил эрхэлдэг нь тодорхойгүй иргэн Т.Шинэбаяр гэх эмэгтэй түүнээс:" Та одоо яагаад Монголын эсрэг ажиллаад байдаг юм бэ? Хаанаас мөнгө авдаг юм, та. Та ер нь өөрөө хаанахын гар хөл юм бэ? та хэний эрх ашгийн төлөө ажилладаг юм бэ?" гэсэн сэтгүүлчийн асуулт гэхэд хэцүү муйхар субьектив дайралт маягийн зүйлс хийв.
Хариуд нь УИХ-ын гишүүн С.Ганбаатар: "Ийм тэнэг асуултанд хариулахгүй" гэсэн юм.
Гэтэл иргэн Т.Шинэбаяр гэгч: "Та Хятадаас мөнгө авч Монголын эсрэг ажилладаг юм биш үү?" гэх нь тэр. Энэ нь маш ноцтой асуудал бөгөөд хэрэв С.Ганбаатар Хятадаас мөнгө авч, Монголын эсрэг ажилладаг бол эх орноосоо урвагч болж байна гэсэн үг. Хэрэв үгүй бол өөрийгөө сэтгүүлч гэж нэрлэх болсон Т.Шинэбаяр гэгч бусдыг эх орноосоо урвах хүнд гэмт хэрэгт гүтгэсэн болж таарна. Аль аль нь эрүүгийн онц ноцтой гэмт хэрэг билээ.
С.Сарнай
