Бүгд Найрамдах Улсыг тунхаглаж, Анхдугаар Үндсэн хууль баталсны 100 жилийн ой 2024 оны 11-р сарын 26-нд болох гэж байна. Хэдийгээр МАН-ын анхны даргыг баривчилж, буудан алсан, Монгол Улс Коминтерний шууд дарангуйлалд орсон, иргэдээ ангилж, ялгасан заалттай Үндсэн хуультай болсон гээд сөрөг тал ихтэй ч яах аргагүй тэмдэглэлт өдөр бол мөн.
Энэ жилийн хувьд 100 жилийн ой тохиож буй тул УИХ ч уг баярт ихээхэн ач холбогдол өгч буй аж.
Хачирхалтай УИХ-ын Тамгын Газар уг ойг тэмдэглэн өнгөрүүлэхдээ зарим сонин хачин шийдэл сэдэж буй бололтой.
Жишээлбэл өчигдөр УИХ-ын Тамгын Газрын дэд дарга Э.Лхагва гэх хүнээс Боловсролын Яамны Төрийн Нарийн Бичгийн Дарга Х.Батжаргалд явуулсан Хамтран ажиллах санал гэгч нийгмийн сүлжээнд цацагдав.
Уг саналд бичсэнээр бол : "Бүгд Найрамдах Улсаа тунхаглаж, анхдугаар Үндсэн хуулиа баталсан түүхэн энэ өдрийг бүх нийтээр тэмдэглэх баярын уур амьсгал бүрдүүлэх, Монгол айл өрх бүр үндэсний бахархлаа илэрхийлсэн уламжлалт зоогоо гэртээ хийж хүртдэг байх, хоол үйлдвэрлэл, үйлчилгээ эрхлэгчид тэрхүү хоол ундаагаар үйлчилдэг болох уламжлалыг эхлүүлэхийг эрмэлзэж, энэхүү түүхэн ойн өдрийн баярын ширээний гол хоолыг "Битүү шөл" байх нь зүйтэй гэж үзэж, уриалга гаргаж байгаа юм. Иймд уг ажлыг эрчимжүүлэн хэрэгжүүлэхэд дэмжлэг үзүүлж, 2024 оны 11-р сарын 26-ы өдөр улсын хэмжээний Ерөнхий Боловсролын бүх сургуулиудын бага, дунд, ахлах ангийн сурагчдын гэрийн даалгаварт гэр бүлээрээ битүү шөл хийж идэх даалгавар өгөх мэдээллийг хүргэхэд хамтран ажиллахыг хүсье" гэжээ. Мөн Монгол Улсын Их Хурлын Тамгын Газраас илгээсэн гэх уг албан бичиг нь "Боловсролын Яамны Төрийн Бичгийн Дарга Х.Батжаргал танаа" хэмээн хаягласан байгаагаасаа эхлээд ихээхэн утга, найруулгын алдаатай бичигдсэн байх аж.
Дүгнэлтийг уншигч та өөрөө хийх буй за.
С.Сарнай
