З.БАТ
The Daily Beast сэтгүүлд Элон Маскийн намтарч хэмээн нэрлэсэн Харвардын их сургуулийг хуулийн боловсрол эзэмшсэн сэтгүүлч Сет Абрамсон манай гаригийн хамгийн баян хүмүүсийн нэгийн сэтгэцийн байдал сүүлийн жилүүдэд муудсан байж магадгүй гэсэн байр суурийг илэрхийлжээ.
"Элон Маск галзуурч магадгүй гэж би үндэслэлтэй итгэж байна" гэж Абрамсон X-д бичжээ. "Би сүүлийн хоёр жилийн турш түүний зан байдлыг онлайнаар ажиглаж байгаа бөгөөд түүний бүх сэтгэцийн эмгэг, хар тамхины хэрэглээ, сэтгэл санааны дарамт зэргийг харгалзан үзээд түүний бие нь маш муу байгаа гэж үзэх шалтгаан бий" гэжээ.
Абрамсоны хэлснээр, АНУ-ын Ерөнхийлөгчөөр сонгогдсон Дональд Трампын хамгийн ойрын хүмүүсийн нэг болох Маск эрх мэдлийн хүрээнд байгаа нь олон нийтэд аюултай тул Америкийн эрх баригчид бизнес эрхлэгчийн компаниудтай байгуулсан бүх гэрээг цуцалж, DOGE-ийн ажлыг хаах хэрэгтэй гэв.
Маскийг холбооны Засгийн газрыг санхүүжүүлэх хуулийн төслийг батлах үйл явцад хөндлөнгөөс оролцсоны дараа түүнийг АНУ-ын “сүүдрийн ерөнхийлөгч” хэмээн нэрлэх болсон тухай “Вашингтон Пост” сонин өмнө нь мэдээлж байсан.
Эх сурвалж: www.polit.mn
