Сонгинохайрхан дүүргийн Эрүүгийн тасгийн ахлах мөрдөгч Б.Галтбаатар, Эрүүгийн цагдаагийн албаны Зохион байгуулалттай гэмт хэрэгтэй тэмцэх хэлтсийн ахлах мөрдөгч н.Ууганбаяр нар нь бусадтай бүлэглэж Б.Галтбаатарын нэр дээр “Арвин холдинг” ХХК-ийг нээн, хувьцаа эзэмшигч, гүйцэтгэх захиралаар томилон Монголын хөрөнгийн биржийн [email protected] гэсэн и-mail хаягтай ойролцоо өгөгдлөөр шинээр comex@ [email protected] гэсэн хуурамч хаяг үүсгэн, зохиомол байдлыг зориудаар бий болгож, бодит байдлыг нуух замаар залилах гэмт хэрэг үйлджээ.
Тодруулбал, хуурамч албан бичиг, мэдэгдэл хүргүүлэн / Энержи ресурс ХХК-аас нүүрс нийлүүлнэ/ гэж Бүгд Найрамдах Хятад Ард Улсын “inner Mongolia Xin Cheng Yi Trading” (Шин Чэнг И Худалдааны) ХХК-тай холбогдон захирал Жиа Данг Сэнги болон Монгол Улс дахь итгэмжилсэн төлөөлөгч Д.Мөнх-Очир нарт итгэл төрүүлэн гэрээний үнийн дүн болох 5 хувь буюу 2 удаагийн гүйлгээгээр 8.260.000 юанийг Монголын Хөрөнгийн биржийн Худалдаа хөгжлийн банкны 413059… дугаартай дансанд шилжүүлж, худалдан авах гэрээг баталгаажуулах талаарх” хуурамч албан бичгийг хүргүүлж , улмаар 3.750.000 юанийг шилжүүлүүлэн хуурч, дахин 2024 оны 10 дугаар сарын 16-ны өдөр гэрээний үнийн дүнд заасан мөнгийг “Арвин холдинг” ХХК-ийн Ариг банк дахь 2111002... дугаарын дансанд шилжүүлнэ үү гэсэн утгатай хурамч албан бичиг үйлдэж хүргүүлсний дагуу 22.550.000 юань, 7.500.000 юан, нийт 12.621.381.042 (арван хоёр тэрбум зургаан зуун хорин нэгэн мянга гурван зуун наян нэг дөчин хоёр) төгрөгийг залилан гэмт хэрэг үйлджээ.
Мөн хамаарал бүхий этгээдүүдийн нэр дээр үл хөдлөх болон хөдлөх эд хөрөнгө болох орон сууц, тээврийн хэрэгсэл худалдан авч түүнийг ашиглаж хууль бус эх үүсвэрийг нь нуун далдлах, гэмт хэрэг үйлдэхэд оролцсон этгээдийг нуун дарагдуулсан, мөнгө угаах гэмт хэрэг үйлдсэн байна.
Б.Галбаатар, Ууганбаяр нар нь Сонгинохайрхан дүүргийн цагдаагийн газарт хамт ажиллаж байсан. Тухайн хэргийг шалгагдаж эхэлснээс хойш н.Ууганбаяр өөрийн эрхэлж байсан эрүүгийн ахлах мөрдөгчийн ажлыг орхин Монгол Улсын хилээр гарч оргон зайлсан нь эртнээс төлөвлөж гэмт хэрэг үйлдснийг илтгэж байна. Энэ хэргийн цаана томоохон албан тушаалтнууд байгаа гэж хардахад хүрч байна.
