“Ухаахудагаа авч үлдэнэ” гэж “Улс төрийн ТУЗ” нь шийджээ

Энэ мэдээ хуучирсан буюу 2025/02/24-нд нийтлэгдсэн мэдээ болно.

Г.Очир

Ангилал

НО-той мэдээ Дэд онцлох

Огноо

Унших

3 минут 6 секунд

“Ухаахудагаа авч үлдэнэ” гэж “Улс төрийн ТУЗ” нь шийджээ

Б.БАЯР

Монголын улс төрд “Ухаахудаг” хэмээх хориотой сэдэв байжээ. Ухаахудагийг ярих, хөндөх хориотой. Уг нь бүгдээрээ наадах, цаадахыг нь мэддэг. ГэсэнМонголын улс төрд “Ухаахудаг” хэмээх хориотой сэдэв байжээ. Ухаахудагийг ярих, хөндөх хориотой. Уг нь бүгдээрээ наадах, цаадахыг нь мэддэг. Гэсэн ч хэн ч хөндөж зүрхлэлгүй өнөөг хүрсэн. Ингэсэн улстөрчдийн карьер зогсдог учраас тэр. Энэ хориотой сэдэв 20-иод жил оршин тогтножээ.

Гэтэл сүүлийн 2-3 жилийн өмнөөс Монголын Гашуунсухайт, Хятадын Ганцмод боомтуудын хилийн холболт яригдав. Ерөнхий сайдын 2022 оны хоёрдугаар сард Хятадад хийсэн ажлын айлчлалаар Гашуунсухайт-Ганцмод боомтын хил холболтын цэгийг тохиролцсон. Ингэснээр Монголын улс төр хөдөлгөөнд оров. Тэгж байгаад өнгөрсөн оны арваннэгдүгээр сарын эхээр хоёр улсын Засгийн газар гэрээ байгуулахаар тохиролцов. Гэрээнд “Гуравдагч этгээдийг оролцуулахгүй” гэж заахаар шийдчихэв. Монголын улс төр улам илүү хөдөлгөөнд оров. Засгийн газрыг огцруулах хэмжээнд доргилт өгөв. Улмаар, энэ сарын 14-нд Хятадын Харбинд гэрээг зурлаа. Монголын улс төр бараг л галзуурав. Ингэсээр Ухаахудагийн хувьчлал босоод ирэв. Улмаар, “Ухаахудагийг Үндэсний баялгийн санд авна” гэв. Монголын улс төр улам бужигнав. Тэр нь яг одоо үргэлжилж байна. Ингэсээр, энэ бүхний ард Тавантолгой ордыг бүхэлд нь авах ажиллагаа нуугдаж байгаа нь ил болов. Мөн хэд хэдэн зүйл тодорч харагдав. Бас дуулдаж байна.

Ерөөсөө, энэ Ухаахудаг гэж бараг улс мэт бүтэц байсан бололтой юм. Ухаахудагийн босс нь Улсын Ерөнхийлөгч байсан хүнийг л утсаар залгаж загнаад нийтийн цахим сүлжээнд пост бичүүлдэг. Ингээд бод доо. Түүнчлэн “Ухаахудагийн улс төрийн ТУЗ” гэж байдаг тухай хэдэн жилийн өмнөөс л дуулддаг байв. Тэр их л ортой болохыг олон факт ойлгуулдаг. Ухаахудаг одоогийн эздэдээ очсоноос хойш ажилласан “Улс төрийн ТУЗ” гэсэн үг. Эргээд “улс төрийн архив”-ыг ухвал Монгол Улсын мөн ч олонг ажил хэрэг Ухаахудагийнхны шийдвэрээр хөдөлсөн, эсвэл зогссон доо. Тавантолгойн нүүрсний ордыг төрд авснаас эхлээд “...2009 онд Ерөнхий сайд яагаад солигдсон бэ” гэдгээр үргэлжлэх олон үйл явдал Ухаахудагтай л холбогддог.