УИХ-ын гишүүн Н.Номтойбаяр Төрийн ордонд мэдээлэл хийлээ.

Энэ үеэрээ тэрбээр: “Засгийн Газрын БЭТ гэх Ж.Батзандангийн үгийг хоёр янзаар ойлгож болно. Гэхдээ энэ бол маш том асуултын тэмдэг үүсгэж байгаа.

Ж.Батзандангийн сонгон хэрэглэж байгаа үг хэллэг, ааш араншин, тэр хүмүүсийг гүтгэж доромжилж байгаа хулгайч мэт олон нийтэд харагдуулж нэр хүндийг нь унагааж байгаа энэ байдал Засгийн газрын илэрхийлэл Ж.Батзандангийн үгээр гарав уу аль эсвэл тэр хүний үг байв уу гэдэг өөр асуудал.

Ж.Батзандан бол яг үнэндээ золбин улс төрч. Өөрөөс нь би асуумаар санагддаг юм. Тэгээд л нэг золбироод л янз бүрийн хачин хачин үг хэллэг хэлээд л явж байдаг нөхөр.

Энэ хүн өөрөө Засгийн газрын Бүрэн эрхт төлөөлөгч. Түүнээс биш гудамжны улс төрч байсан бол нохой хуцаж байгаатайгаа адилхан л байх байсан байх. Энэ асуудлыг би өөрөө Засгийн газраас асууна гэж бодож байгаа.

2022 оны 12-р сарын 13-нд тэр Х.Баттулгыг номер нэг нүүрсний хулгайч гээд зарласан. Үүнийг чинь тэр хариуцлагатай АТГ чинь өөрөө зарласан. Тэгээд өнөөдөр энэ чинь үндсэндээ гурван жил өнгөрч байна. Юу хийгээд байгаа юм. Мэдээж тэгж зарлана гэдэг чинь тодорхой үндэслэл байсан болоод л зарласан.

Тэгээд би үүнийг асуусан. Тэгээд тодорхой хариулт авч чадаагүй. Ийм арчаагүй байж болохгүй. Өөрсдөө санаачлагаараа хэрэг үүсгээд шалгах ёстой. Би АТГ-ын дарга байсан бол үүнийг даруй шалгана” гэв.

Ж.Дорж

Sonin.mn