Төгрөг нуурын ордтой холбоотой асуудлаар ЗГХЭГ-ын дарга Н.Учрал өнөөдөр мэдээлэл өглөө.

Тэрээр "Төгрөг нуурын орд Х.Баттулгатай хамааралтай талаар мэдээлсэн. УИХ-ын гишүүн Х.Баттулгад тайлбар мэдээлэл өгөх долоо хоногийн хугацаа өгсөн. Гэтэл бидэнд Төгрөг нуурын орд өөрт нь хамааралтай эсэх талаар ямар нэг албан бичиг, тодорхой хариу өгөөгүй. Харин хэвлэл мэдээллийн хэрэгслээр ярилцлага өгч "Төгрөг нууртай хамаатай гэдгийг нотолж чадах юм бол 100 хувь аваарай" гэсэн байна.Надад хөдлөшгүй нотлох баримт байна.

Санхүүгийн болон хуулийн мэргэжилтнүүдийн хийсэн дүн шинжилгээ байна. Дээрх баримт, мэдээллийн хүрээнд тусгай зөвшөөрөл эзэмшигч компанид холбогдох шууд болон шууд бус үйлдлүүд нь татвар төлөхөөс зайлсхийх, мөнгө угаах, залилах, авлига, ашиг сонирхлын зөрчил үүсгэх болон бусад гэмт хэрэг, зөрчил үйлдсэн байж болзошгүй бөгөөд энэ талаар мэдээлэл солилцох, эрх зүйн туслалцаа харилцан үзүүлэх чиглэлээр Британийн Виржинийн арлууд болон Кайманы арлууд, Бүгд Найрамдах Хятад Ард Улсын Засаг Захиргааны Онцгой Бүс Хонконг, Бүгд Найрамдах Сингапур Улс зэрэг улсын хууль хяналтын байгууллагатай хамтран ажиллах арга хэмжээ авахыг Хууль зүй, дотоодын хэргийн сайд О.Алтангэрэлд даалгалаа" гэлээ.

ЗГХЭГ-ын дарга Н.Учралын өгсөн мэдээлэлд дараах баримт, үйл явдлын дараалал багтсаныг дэлгэрэнгүй хүргэж байна.

·2006 онд Х.Баттулга (90%), Я.Батсүх (10%) нарын үүсгэн байгуулсан “САМЕХ” ХХК нь “Төгрөгнуурын энержи” ХХК-ийг 100 хувь эзэмшдэг. Халтмаагийн Баттулга өөрийн охин Б.Намуун, төрсөн эгч Х.Цэндбаяр нар луу хувьцаагаа шилжүүлэн оффшор бүсэд бүртгэлтэй үргэлжилсэн хэлхээ холбоо бүхий компаниудаар дамжуулан 250 сая ам.доллароор үнэлж зарсан талаар ХонКонгийн Хөрөнгийн биржид бүртгэлтэй, 00402 хувьцааны код бүхий Ming Hing Waterworks Holdings Limited компанийн 507 нүүр бүхий нээлттэй мэдэгдэлд дурджээ.

· Энэ мэдэгдэл нь компанийг худалдан авах “Very Substantial Acquisition”-ын албан ёсны мэдэгдэл бөгөөд хэлцлийн нөхцөл, үнэлгээ, төлбөрийн бүтцүүд (хувьцаа, өрийн бичиг, хөрвөх цаас), эзэмшигчдийн бүтцийн өөрчлөлт, Төгрөгнуурын нүүрсний ордын нөөцийн тооцоо, техник–эдийн засгийн үндэслэл зэрэг мэдээллийг нарийвчлан агуулсан нээлттэй мэдээлэл юм.

·Xувьцаа шилжсэний дараа Ming Hing Waterworks Holdings Limited компани нэрээ Mongolia Investment Group болгон өөрчилсөн, дараа нь Peace Map Holding Ltd болгож өөрчилсөн.

·Сингапур улсад бүртгэлтэй Camex Pte-ийн охин компани болох Grand Title Ltd (BVI) компани нь 2009 оны 4-р сард Монгол Улсын Зам, тээврийн яамтай Монгол улсад уул уурхайн лицензийн эрх олгож, оронд нь дэд бүтэц барих, орон сууцжуулах талаар хамтран ажиллах талаар харилцан ойлголцлын санамж бичиг (MOU) байгуулж, хэлцэл хийсэн.

·Сингапур улсад бүртгэлтэй Genco Holdings Pte Ltd, CAMEX Pte Ltd компаниудын хувьцаа эзэмшигч нь Х.Баттулгын төрсөн охин Б.Намуун болон Billy Lim-ийн гэр бүлийн гишүүн Lim Siong Dennis нар байна.

· 2010 онд 250 сая ам.доллароор үнэлэгдсэн компанийн хувьцааг Монгол Улсад бүртгэлтэй компанид 2016 онд үнэ төлбөргүйгээр шилжүүлсэн.

" target="_blank">