Дөрөвдүгээр сарын 15-нд БНХАУ-ын ГХЯ-ны хэвлэлийн төлөөлөгч Линь Жянь мэдээлэл хийлээ. Энэ үеэрээ: " Өнөөдөр Харбин хотын Нийгмийг аюулаас хамгаалах газар, Азийн өвлийн 9 дэх наадмын үеэр Хармөрөн мужийн мэдээллийн систем болон мэдээллийн чухал дэд бүтцэд кибер халдлага үйлдэхэд оролцсон АНУ-ын Үндэсний аюулгүй байдлын агентлагийн холбогдох ажилтнуудыг эрэн сурвалжлах ажилд мөнгөний урамшуулал олгох тухай "Урамшууллын мэдэгдэл" гаргасныг бид анзаарсан. Энэ ямар учиртай юм бэ?" гэсэн асуултад
Линь Жянь хариулахдаа: " Азийн өвлийн 9 дэх наадмын үеэр Америкийн засгийн газар тэмцээний мэдээллийн систем болон Хармөрөн мужийн чухал мэдээллийн дэд бүтцэд кибер халдлага үйлдэж, Хятадын чухал мэдээллийн дэд бүтэц, үндэсний батлан хамгаалах, санхүү, нийгэм, үйлдвэрлэл, иргэдийн хувийн мэдээллийн аюулгүй байдалд ноцтой хохирол учруулсан нь маш ноцтой үйлдэл юм. АНУ-ын Засгийн газрын дээрх санаатайгаар үйлдсэн кибер үйл ажиллагааг Хятад Улс буруушааж байна.
Хятадын чухал дэд бүтцэд АНУ кибер халдлага үйлдсэн талаар Хятад улс олон арга хэлбэрээр АНУ-д анхаарал хандуулж буйгаа илэрхийлсэн. Киберийн аюулгүй байдлын асуудалд хариуцлагатай хандаж, Хятад руу кибер халдлага үйлдэхээ зогсоож, Хятадыг үндэслэлгүй гутаан доромжлох, дайрахаа зогсоохыг АНУ-аас шаардаж байна. Хятад улс өөрийн киберийн аюулгүй байдлыг хамгаалахын тулд шаардлагатай бүх арга хэмжээг авах болно." гэсэн байна.
Г.Бямба
