МАН-ынханд 20 жил гологдож, намаасаа хүртэл “хөөгдөж” явсан ШӨХТГ-ын дарга асан С.Мөнхчулуун Дундговь аймгийн Засаг даргаар томилогдоод байгаа. Тэр нэгэн цагт Хотын даргын суудалд санаархаж, нийслэлийн ИТХ-ын хуралдаанаар заалнаас нэрээ дэвшүүлж, дэмжигдсэн ч намынхандаа хавчигдсан. Тухайн үеийн Хотын дарга С.Амарсайхантай сандал, суудал булаацалдаж, намын эсрэг ажилласан гэж буруутгагдаж, Ерөнхий сайдад гологдсон. Ингээд дахин санал хураалт явуулж, Хотын даргаар С.Амарсайхан томилогдож байлаа. Харин С.Мөнхчулуун намаасаа “хөөгдөж” бие дааж эхэлсэн. Бие дааж нэр дэвшсэн ч ард түмний дэмжлэгийг авч чадалгүй гудамжинд гарсан байдаг. Эцэст нь, намын гишүүнчлэлээ сэргээж, Шударга өрсөлдөөн, хэрэглэгчийн төлөө газрын даргаар ажиллаж байгаад Дундговьд “илгээлтээр” очоод байна. Санаа нь, 2028 оны сонгуулиар говийн бүсээс УИХ-д хүч үзэх биз ээ. Тэр хэзээнээсээ л Саарал ордон руу санаархаж, арга ядахдаа бие дааж хүртэл нэр дэвшиж байсан түүхтэй.

С.Мөнхчулуун харуул, хамгаалалтын компанитай. Түүнийг улс төрд унаж, босож явахад нь ч компанийнх нь үйл ажиллагаа өргөжиж, төрөөс тендер тасралтгүй түүсээр байгаа нь хачирхалтай. Тодруулбал, С.Мөнхчулууны эхнэр Т.Ариунбулаг, төрсөн дүү С.Бямбацогт нар нь “Ви Ай Пи Эс” ХХК-ийг хамтран эзэмшдэг. Харин “Ви Ай Пи Эс” ХХК нь төрийн байгууллага, төрийн өмчит үйлдвэр, обьектуудад гэрээт харуул, хамгаалалтын үйлчилгээ үзүүлдэг. Төрийн 30 гаруй тендерт шалгарсан түүхтэй.

"Ви Ай Пи Эс" ХХК-ийг С.Мөнхчулууны дүү С.Бямбацогт, эхнэр Т.Ариунбулаг нар эзэмшдэг бүртгэл

С.Мөнхчулууны эхнэрийн компанийн Зөвхөн 2024 онд шалгарсан тендерийг жагсаавал,

-Улсын нэгдүгээр төв эмнэлэгт харуул хамгаалалт гүйцэтгэх гүйцэтгэгчийг сонгон шалгаруулах тендер- 120 сая төгрөг

-Монгол-Германы хамтарсан ашигт малтмал, технологийн их сургуульд харуул- 57.9 сая төгрөг

-Чингис хаан олон улсын нисэх буудал дахь гаалийн газарт харуул- 213 сая төгрөг

-Хан-Уул дүүргийн Иргэдэд үйлчлэх төв байрны харуул хамгаалалтын үйлчилгээ үзүүлэх-61.2 сая төгрөг

-Эх, нярай, эмэгтэйчүүдийн үндэсний төв хоёрт харуул- 87 сая төгрөг

- Зорчигчийн вагон депод харуул хамгаалалтын үйлчилгээ- 277 сая төгрөг

-Зорчигч тээвэрт харуул- 172 сая төгрөг

-“Цемент шохой”-д харуул- 850 сая төгрөг

-Зорчигч тээвэр гуравт харуул- 110 сая төгрөг

-Хөдөө аж ахуйн корпорацид харуул- 60 сая төгрөгийн тендерт “ногоон” гэрлээр шалгарсан байна.

Харин 2025 оны эхний хагаст шалгарсан тендерийг нь жагсаавал,

-

С.Мөнхчулууны эхнэр Т.Ариунбулаг нь жүжигчин мэргэжилтэй, Монголын кино урлагт “мэндэлсэн” анхны эротик кино болох “Янаг дурлалын дууль”-д тоглож, нүцгэлж байсан удаатай. Тэрбээр уг дүрийг бүтээхдээ их сургуулийн хоёрдугаар дамжааны оюутан байсан билээ. Түүнээс хойш тэрбээр “Хүний хүүхэд”, “Тусгай салаа” гэх зэрэг кинонд дүр бүтээсэн байдаг.Тэгвэл Монголын анхны эротик кинонд тоглож, дүрээ мөнхөлсөн Т.Ариунбулаг жүжигчний мэргэжлээ больж, төрийн тендер түүдэг нэгэн болжээ.

С.Мөнхчулуун, эхнэр Т.Ариунбулагийн хамт

С.Мөнхчулууны дүү С.Бямбацогтын танхайрч байх үеийн зураг

Харин С.Мөнхчулууны төрсөн дүү С.Бямбацогт нь диксо байрны үүдэнд сэлэм согтуу эргүүлэн танхайрч, сошиалын “од” болж нүүрийг нь түлж байсан түүхтэй. Мөн С.Мөнхчулууны хадам ээж Л.Оюунцэцэг, хадам дүү Т.Наранбулаг нарынх нь “Наранбулаг сервис” ХХК болон “Шилэн” хочит Б.Цогтгэрэлийн хадам ээж У.Булган, эхнэр Д.Мандхай нарын “Улаанбаатар радио” ХХК-ууд нийслэлийн өмчит Баруун сэлбэ үйлчилгээний төв буюу “Нарны титэм” худалдааны төвийн барилгыг булаацалдан бүтэн 20-оод жил шүүхдэлцэж буй билээ. Дээр дурдсан баримтаас харвал, Дундговь аймгийн Засаг дарга С.Мөнхчулууныг ашиг сонирхлын хэргээр АТГ-т шалгагдах болзлоо нэгэнт хангажээ. Гол нь С.Мөнхчулуун хөрөнгө орлогын мэдүүлэгтээ эхнэрийнхээ “Ви Ай Пи Эс” ХХК-ийн хөрөнгө оруулагч гэж өгсөн байдаг юм байна. Тэгвэл түүнийг шалгаж, хуулийн дагуу хариуцлага хүлээлгэх нь цаг хугацааны асуудал биз ээ.