Монгол Улсын Ерөнхий Сайд асан Л.Оюун-Эрдэнийн огцрохдоо УИХ-ын чуулганы нэгдсэн хуралдаан дээр хэлсэн "Хэлээд, тайлбарлаад ойлгодоггүй юм байна, албан тушаал гэдэг хэцүү юм байна, атаархал гэж хэцүү юм байна" гэсэн үгс нийгмийн сүлжээнд хүүхэд, залуусын элэг доог, meme болон түгсэн билээ.
Үнэхээр л Л.Оюун-Эрдэнийн огцрох үеийн сэтгэл хөдлөлдөө автсан үгс Монголчуудыг ямар л янзын сэтгэхүй, зан характер, боловсрол төлөвшилтэй этгээд Монгол Улсын Ерөнхий Сайдаар ажиллаж байсан юм бэ дээ? гэсэн гайхшралд хүргэсэн юм.
Зөвхөн иргэд биш МАН-ынхан өөрсдөө ч ийм дүгнэлтэд хүрсэн гэнэ. Учир нь Л.Оюун-Эрдэнэ УИХ дахь МАН-ын бүлгийн хурал дээр өөрийнхөө буруу, алдаа дутагдлыг огт хүлээн зөвшөөрөөгүй, Монгол Улсын эдийн засаг, нийгмийн нөхцөл байдалд огт дүгнэлт хийгээгүй бөгөөд манай нам доторхи хэсэг урвагчид л намайг муу хүн болгож, нэр хүндийг маань унагалаа хэмээн гомдолсоор байсан аж.
Тэр бүү хэл дөрвөн жил маш их амаргүй ажиллаж, маш их ядарсан тул хэсэгтээ амрана, өөрийнхөөрөө амьдрана гэж хүртэл тунирхсан юм гэнэ.
С.Сарнай
Эх сурвалж: Sonin.mn
