Мал эмнэлгийн ерөнхий газрын даргын тушаалаар Дорнод аймгийн Мал эмнэлгийн газарт Ажил хүлээлцэх ажлын хэсэг томилогдож тус газрын дарга Ч.Аюушмаа нь өндөр насны тэтгэвэртээ гарч байгаатай холбогдуулан албан үүргийг түр орлон гүйцэтгэгчээр Б.Давааг томиллоо.
Ажлын хэсэг мал эмнэлгийн газрын даргын ажил хүлээлцэх, албан үүргийг түр орлон гүйцэтгүүлэх ажлыг зохион байгуулж, мал, амьтны гоц халдварт өвчнөөс урьдчилан сэргийлэх, тэмцэх арга хэмжээний хэрэгжилтийг хангуулах, мал эмнэлгийн салбарын мэргэжилтэн, албан хаагч нарт мэргэжил арга зүйгээр хангах, мал эмнэлгийн арга хэмжээний гүйцэтгэлийг эрчимжүүлэх, мөн захиргаа, санхүүгийн албаны үйл ажиллагааны хэрэгжилтийн явцтай танилцаж гарсан зөрчил дутагдлыг яаралтай арилган биелэлтийг ирүүлэх мэргэжил арга зүйгээр ханган, зөвлөмж чиглэл өгөв.
