Бичил биетний тэсвэржилт (ББТ) нь дэлхий дахинаа хүн, мал, амьтны эрүүл мэнд, түүнчлэн ургамлын эрүүл мэнд, хүрээлэн буй орчинд томоохон аюул учруулан хурдацтай тархаж байна.
ББТ болон ББЭЭХ-г дэлхийн хэмжээнд хамтран тандах ажлыг ОУ-ын Дөрвөн талт хамтын ажиллагааны хүрээнд Дэлхийн эрүүл мэндийн байгууллага (ДЭМБ), Дэлхийн мал, амьтны эрүүл мэндийн байгууллага (ДМАЭМБ), НҮБ-ын Хүнс хөдөө аж ахуйн байгууллага, Нэгдсэн Үндэстний Байгууллагын Байгаль орчны хөтөлбөр (НҮББОХ) зохион байгуулан ажиллаж байна.
НҮБ-ын ХХААБ нь үнэн зөв, бодитой баримт мэдээлэл бүрдүүлэх, нотолгоонд суурилсан шийдвэр гаргах, тандалт, судалгааг бэхжүүлэх зорилгоор Бичил биетний тэсвэржилтийн олон улсын хяналт-шинжилгээний тогтолцоо (ИнФАРМ) болон мэдээллийн технологийн (MT) платформыг 2022-2023 онд боловсруулсан. Энэхүү ИнФАРМ тогтолцоо болон түүний MT платформ нь хүнс, хөдөө аж ахуйн салбарт хийгдэж буй ББТ-ийн хяналт-шинжилгээ, тандалтын баримт мэдээллийг нэгдсэн нэг стандартын дагуу цуглуулах, дүн шинжилгээ хийх, uашиглах боломжийг улс орнуудад олгох дэлхийн хэмжээний мэдээллийн тогтолцоо юм.
ИнФАРМ болон түүний МT платформыг танилцуулан ерөнхий суурь ойлголт өгч, уг тогтолцоонд хэрхэн нэгдэн оролцож, ББТ-ийн тандалтын баримт мэдээллээ хэрхэн цуглуулах, нэгтгэх, илгээх талаар мэдээлэл өгөх зорилготой сургалтыг / НҮБ-ын ХХААБ-ын АСТ төслөөс зохион байгууллаа. Сургалтын үеэр ACT төслийн хүрээнд хийгдсэн ИнФАРМ-ын тогтолцооны эх үндэс болох ББТ-ийн тандалт болон холбогдох судалгааны ажлуудын үр дүнг танилцуулж, хэлэлцүүллээ.
