Пакистаны хамгийн том Карачи хотод орон сууцны барилга дотор газ дэлбэрч, 16 хүн амиа алджээ. Нас барагсдын дунд хоёр настай хүүхэд байсан бөгөөд 30 гаруй хүн бэртэж гэмтсэн.
Дэлбэрэлт Пүрэв гаригт /2026.02.19/ болсон байна. Тодруулбал, ариун Рамадан сарын эхний өдөр оршин суугчид мацаг тайлах хоолоо бэлдэж байх үед дэлбэрэлт болжээ.
Газ дэлбэрэлт нь Пакистанд хурцаар тулгараад буй асуудал. Улс даяар хийн хоолойнуудын насжилт дуусах дөхөж байгаагаас гадна стандарт бус хэрэглээ нь асуудлын гол шалтгаан болдог. Өнгөрсөн сард л гэхэд Исламабад хотод хуримын ёслолын үеэр газ дэлбэрч байв. Энэхүү харамсалтай хэргээс болж найман хүн нас барсны хоёр нь шинэхэн гэрлэсэн хос залуус байлаа.
ЭХ СУРВАЛЖ: NHK
