3-р сарын 8-нд болсон хэвлэлийн бага хурал дээр, Хятадын Гадаад харилцааны сайд Ван И Хятад, Америкийн харилцааны талаарх сэтгүүлчийн асуултад хариулахдаа, "Хятад, АНУ хоёулаа томоохон гүрнүүд бөгөөд аль нь ч бие биенээ өөрчилж чадахгүй, гэхдээ харилцаа холбоогоо өөрчлөх боломжтой. Тухайлбал харилцан хүндэтгэлтэй хандах, энх тайвнаар зэрэгцэн орших үндсэн зарчмыг баримтлах, хамтын ажиллагааны харилцан ашигтай хэтийн төлөвийг эрэлхийлэх явдал юм. Энэ нь хоёр ард түмний ашиг сонирхол төдийгүй олон улсын хамтын нийгэмлэгийн хүлээлттэй нийцэж байна.
Хоёр төрийн тэргүүн дээд түвшинд сайн харилцаагаа хадгалж, Хятад, Америкийн харилцааг сайжруулж, хөгжүүлэхэд чухал стратегийн баталгаа өгч, Хятад, Америкийн харилцааны ерөнхий тогтвортой байдлыг баталгаажуулж байна.
Энэ жил бол Хятад, Америкийн харилцааны "чухал жил" бөгөөд өндөр түвшний харилцааны хөтөлбөр бидний ширээнд тавигдаад байна. Одоо хийх ёстой зүйл бол хоёр тал сайтар бэлтгэл хийж, тохиромжтой орчин бүрдүүлж, одоо байгаа санал зөрөлдөөнийг зохицуулж, шаардлагагүй хөндлөнгийн оролцоог арилгах явдал юм." гэжээ.
Г.Бямба
