Олон нийтэд “Галч” хэмээн алдаршсан Л.Оюун-Эрдэнийн сүүдэр төрийн ордоноор тэнүүчилж алдсан эрх мэдэл, албан тушаалаа эрэн хайх болжээ. Тэрбээр “Парламентад аюул тулгарлаа, бүгдээрээ босоорой” хэмээн хаалга онголзуулан зарлаж явна. Олон нийтийг тухирч байгаад ордонг шатаалгах адын хүслээ биелүүлэхийн тулд хэвлэлийн хүүхнүүдэд хэмжээ хязгааргүй мөнгө атгуулах болжээ.
Мөн АН-ын дарга О.Цогтгэрэлтэй уулзан улс төрийн тулаанд дэмжлэг үзүүлэх боломжийг асуусан байна. АН-ын бүлэг этгээдүүд “Эргүүлэн татах хууль” өөрсдөд нь аюултай учир жадлан эсэргүүцэхээр Л.Оюун-Эрдэнийн цэрэгт хүч хамжихаар болжээ. Мөн 2027 оны Ерөнхийлөгчийн сонгуульд АН-ын санхүүг бүрэн даахаар амласан байна. Тэрээр “Нүүрсний 44 их наяд” гэдгээр Б.Ганхуягийг ялласан нь өөрсдийн идэж ууссан мөнгө эзэнтэй болгох үүднээс хийсэн ажил юм.
Тийм учраас Б.Ганхуяг гэдэг төмөр багтай хүнийг хэнд ч харуулахгүйгээр яллаж шорон руу илгээсэн байдаг. Гэтэл түрүүчээсээ гарч ирээд “Л.Оюун-Эрдэнэ гэмт бүлэглэлийн толгойлогч” хэмээн хашгирсан нь айдаст автуулжээ. Түүний төлөвлөгөө ёсоор хэвлэлийнхэн цог асааж чадваас АН тэргүүтэй улс төрчид төрийн ордонг түймэрдэж Г.Занданшатарын Засгийн газрыг унагах ёстой. Нарийн төлөвлөгөөний дагуу эрх мэдлээ эргүүлэн авахын тулд мөнгө хайрлахгүй байхын Л.Оюун-Эрдэнэ их хэмжээний татан төвлөрүүлэлт Урд зүгээс хийсэн байгаа юм.
АН дотор дотоод хямрал, Ерөнхийлөгчийн сонгуульд өрсөлдөх сонирхол бүхий олон бүлэг фракци бий. Тухайлбал Лу.Гантөмөр, Э.Одбаяр тэрүүтэй нөхдүүд нам дотроо “төрийн” эргэлт хийхээр давхар мэх бодсон байна. Нэг ёсондоо О.Цогтгэрэлийг МАНАН бүлэглэл байгууллаа гэж дэвхцэх сонирхолтой байгаа юм. Үүгээр дамжуулан Засгийн газар, АН-ын удирдлагыг унагах, давхар хамах далд санаа агуулжээ. Тэдний эрх ашиг нэг цэг дээр нэгдсэн учир Төрийн ордонг дотор талаас түймэрдэхэд бэлэн болжээ.
Урьд өмнө үзэгдэж харагдаагүй төрийн эргэлт хийх төлөвлөгөө хаврын чуулганаар эхлүүлэх гэж байхад юу ч гадарлаагүй Г.Занданшатар хаврын мал төл, хаваржаа бууц ярьсан шиг явна. Сэм хуйвалдаж улс орныг бүрэн бужигнуулах шалтгаан их бий. Нэн түрүүнд Л.Оюун-Эрдэнийн бүлэглэлийн “Нүүрсний хулгай”-д хуулийнхан их ойртсон байна. Түүний идсэн ууссан хэргийн ялыг үүрсэн залуус эхнээсээ дуугарч эхэлжээ. Шоронд орох нь тодорхой болсон Л.Оюун-Эрдэнэ эцсийн хүчээрээ “Эргүүлэн татах хуулийг” эсэргүүцэн тэмцэхээр УИХ-ыг барьцаалан авлаа.
