Ардчилсан намын ҮБХ-ны гишүүдийг сонгох хурал болж тус хурлын хүрээнд нийт 872 нэр дэвшигч өрсөлдөж, үүнээс 378 гишүүн Үндэсний бодлогын хороонд сонгогдлоо.
Энэ удаагийн сонгуулиар намын дэргэдэх фракц, клубууд идэвхтэй оролцож, өөрсдийн төлөөллийг ҮБХ-нд нэр дэвшүүлэн өрсөлдөж дүн гараад байна. Эцсийн байдлаар Алтан гадас, МҮДН фракцууд тугаа зоож чадаагүй бол МОАХ, Нэг монгол, Новекс клуб, Нэг Ардчилал, Монде, Морьтон гэх фракцууд төлөөллөө оруулж чаджээ. Ингэснээр эдгээр сонгогдсон фракц, клубууд цаашид Ардчилсан намын бодлогыг тодорхолж тулах хүч болохоор болжээ.
Ийнхүү ҮБХ-ны шинэ бүрэлдэхүүнд фракцуудын оролцоо тодорхой хэмжээнд тэнцвэржсэн бөгөөд цаашид Ардчилсан намын дотоод бодлого, улс төрийн цаашдын чиглэлийг эдгээр бүлэглэлүүдийн харилцан зөвшилцөл, нөлөөллөөр тодорхойлох нөхцөл бүрдэж байна.
