Тэтгэврийн зээл аваагүй ахмадуудад сая төгрөгийн үнэт цаас олгох ажил өнөөдрөөс буюу 2021 оны 05-р сарын 10-ны өдрөөс олгогдож эхлэхийг өнгөрсөн Баасан гаригт УИХ-ын дарга Г.Занданшатар дуулгасан.
Ахмадуудад олгох үнэт цаасыг "Эрдэнэс Монгол" ХХК тавдугаар сарын 21-нээс мөнгөжүүлнэ. Тодруулбал, 194 мянган ахмад тэтгэврийн зээлгүй, 44 мянган ахмад нэг сая хүртэлх төгрөгийн зээлтэй учраас салхитын алт, мөнгөний ордыг эдийн засгийн эргэлтэд оруулж, 2020 онд өндөр настнуудын тэтгэврийн зээлийг нэг удаа чөлөөлсөн бол энэ удаад ч мөн адил тэтгэврийн зээлгүй ахмадуудад 216 тэрбум төгрөгийг олгох юм.
Үнэт цаас түгээх ажил өнөөдрөөс бус өнгөрсөн амралтын өдрүүдэд эхэлсэн. Тодруулбал, зарим нэр бүхий дүүргийн хороодууд ахмадуудаа дуудан үнэт цаасыг тараажээ. Өөрөөр хэлбэл, амралтын өдрүүдэд нийгмийн халамж, даатгалын ажилтнууд илүү цагаар ажилласан гэсэн үг.
Эрдэнэс бондыг үнэт цаас хэмээн хэвлүүлэн ахмадуудад тараах шалтгаан юу байв. Тодруулбал, 194,000 ширхэг үнэт цаас өнгөрсөн өдрүүдэд буюу энэ өдрүүдэд хэвлэлтээс гарч байгаа. Тэр бүрт сая саяар хэмжигдэх зардал гарч байгаа нь дамжиггүй. Нөгөө талаар ахмадуудыг өрх хороон дээр дуудан ирүүлж цар тахлын үед хөдөлгөөн үүсч буй. Эдийн засаг болон цар тахлын үеийн хөдөлгөөнийг нэмэн ийнхүү давхар ажил гаргаж буй УИХ, Засгийн газрын шийдвэр цагаа олоогүй, үрэлгэн шийдвэр болж үргэлжилж байна.
Нэгэнт тэтгэвэр тэглэхэд банкаар дамжуулаад шууд явагдсан. Энэ удаад ч зээлгүй ахмадуудын дансанд шууд эрдэнэс бонд орж болохоор байв.
Гэтэл нэг биш хоёр ажил гаргасан шийдвэрээ УИХ, Засгийн газар тодорхой тайлбарлаагүй байна.
Эх сурвалж: shuurhai.mn Г.ОЧИР
