Төв талбай дээрх АН-ын нэр бүхий гишүүд, тодруулбал УИХ-ын гишүүн Н.Алтанхуяг, Ц.Туваан, С.Ганбаатар, А.Адьяасүрэн нарын өлсгөлөн 6 өдрөө үргэлжилж байна.
Уг нь тэд анх Н.Алтанхуягийг Ерөнхийлөгчид нэр дэвшүүлэхийг хориглосон Сонгуулийн ерөнхий хорооны шийдвэрийг эсэргүүцэн төв талбайд "төвхнөж" эхэлсэн. Гэтэл өнөөдөр тэдний зорилго "өөр" болж хувираад байна. Тэдний хэлж буйгаар АН-ын дотоод хагарал, Н.Алтанхуягийг бүртгээгүй асуудал Засгийн газар, МАН-тай холбоотой гэж дүгнэж буй. Түүгээр зогсохгүй Ерөнхийлөгчийн сонгуулийг хойшлуулж, МАН-ын эрх барьж буй УИХ-ыг тараах, Засгийн газрыг огцруулах гэсэн саналуудыг ч гаргаж дуулдлаа.
Нэг хэсэг хүмүүсийн улс төрийн зорилгын төлөө орон нутагт, мөн өнөөдрөөс Төв талбайд АН-ын энгийн жирийн гишүүд өлсгөлөн зарлаж эхлээд байна. Өнгөрсөн амралтын өдрүүдэд олон зуун мянган хүний жагсаал хүртэл болсон юм. Эдгээр нь цар тахалтай хүнд үеийн нөхцөл байдалд тэрсэлдсэн, маш ноцтой үр дагавартай үйл явдлууд ар араасаа хөвөр байна. Эцсийн дүнд АН-ынхны тэмцэл "бай"-гаа өөрчилсөөр өндөржүүлсэн бэлэн байдлын үеийн Монгол Улсад ноцтой хор хохирол авчирч мэдэхээр нөхцөл байдал үүссээр байна!!!
Эх сурвалж: shuurhai.mn Г.ОЧИР
