ОХУ олон улсын хөлбөмбөгийн холбооноос хоёр жилийн хугацаатай юм уу, хугацаагүйгээр хасагдаж магадгүй байна. Хоёр жилээр хассан тохиолдолд буцаж ирэхдээ Азийн хөлбөмбөгийн холбоонд харъяалагдах магадгүй байгаа ажээ. Хөлбөмбөгийн тайларлагч Нобель Арустамян өөрт байгаа мэдээлэлдээ үндэслэн ийм мэдэгдэл хийснийг спортс.ру цахим хуудас уламжиллаа.

“Оросын хөлбөмбөгт хамгийн ихээр нөлөөлөх үйл явдал нь энэ долоо хоногт Доха хотноо хуралдах ОУХХ-ны чуулган байх болно. Чуулганаар холбоо ойрын жилүүдэд баримтлах бодлогоо боловсруулдаг уламжлалтай. Энэ удаагийн чуулган ирэх пүрэв гаригт /III.31/болно. Оросын хөлбөмбөгийн зөвлөлийг гишүүнчлэлээр хоёр жилийн хугацаатай, эс бөгөөс хугацаагүйгээр хасах асуудал энд яригдах магадлал өндөр байгаа. ОУХХ бусад холбоодын байдлыг харзнаж, ОХУ-ын асуудлыг хойшлуулахыг эрмэлзэж ирсэн байдал харагдаж байгаа ч чуулган дээр гишүүн улсуудаас санал ороод ирвэл хэлэлцэхээс өөрцгүй. Тиймээс гишүүнчлэлийн асуудал сөхөгдөх нь бараг зайлшгүй. Манайхаас Доха руу төлөөлөгч илгээх эсэх нь одоо болтол тодорхойгүй байна. Үүсээд буй нөхцөл байдлаас харахад ОХУ-ын хөлбөмбөгийн зөвлөлийг хоёр зам хүлээж байна. Нэг нь хөнгөн шийтгэл буюу хоёр жилийн хугацаатайгаар гишүүнчлэлээ хасуулах. Хоёр дахь нь хугацаагүйгээр эрхээ хасуулах. Нөхцөл байдал өөрчлөгдөөд эргэж ирлээ гэхэд Азийн холбоонд орох магадлал бий. Израилийн жишээ байна. Израиль 1964 онд Азийн цомд оролцож түрүүлж байсан” гэж тэрээр телеграм хуудастаа бичжээ.