fbpx Кадыров Украинтай яриа хэлэлцээ хийлгүйгээр үргэлжлүүлэн дайтах хүсэлтэйгээ илэрхийлжээ
 
Энэ мэдээ хуучирсан буюу 2022/03/30-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 27 секунд

Кадыров Украинтай яриа хэлэлцээ хийлгүйгээр үргэлжлүүлэн дайтах хүсэлтэйгээ илэрхийлжээ

Мягмар гарагт Орос-Украины ээлжит яриа хэлэлцээ Туркийн Истанбул хотод эхэлсэн билээ.

Дэлхий нийтээр уг үйл явдлаас сайн мэдээ хүлээж байгаа. Яриа хэлэлцээний зорилго нь Украины нутаг дэвсгэрт сар гаруй хугацаанд үргэлжилж буй дайныг аль болох яаралтай зогсоох юм.

Харин ОХУ-ын Чечений Бүгд Найрамдах Улсын тэргүүн Рамзан Кадыров үүнийг эсэргүүцэж байгаагаа илэрхийлсэн анхны хүмүүсийн нэг болоод байна.

Өчигдөр тэрбээр Телеграм сүлжээнд нийтэлсэн мэдэгдэлдээ Истанбулд эхэлсэн уулзалтыг ямар ч үр дүнд хүрэхгүй гэж үзэж байгаа илэрхийлжээ.

“Туркт болж буй уулзалтын талаар би ингэж бодож байгаа. Хэлэлцээ хийх ямар ч утгагүй болох нь батлагдана гэдэгт би бат итгэлтэй байна” гэж Кадыров ярьсан юм.

Тэрбээр цааш нь ярихдаа “Бандерчууд, нацистууд, чөтгөрүүдийг устгахын тулд эхлүүлсэн зүйлээ дуусгах хэрэгтэй гэдэгт би итгэлтэй байна. Үүний дараа л юу хийхээ шийдэх хэрэгтэй” гэжээ.

Истанбулд болж буй хэлэлцээний эхний өдөр Оросын тал Киев, Чернихов чиглэлд явуулж буй байлдааны ажиллагааныхаа эрчийг үлэмж хэмжээгээр бууруулах шийдвэрээ зарласан юм.

Эх сурвалж: Business Insider

Д.Өлзийбаатар: Х.Баттулгад эр хүний сайхан жудаг, үнэр байдаг
Д.Өлзийбаатар: Х.Баттулгад эр хүний сайхан жудаг, үнэр байдаг
 
МУГЖ, дуучин Т.Баясгалан Сакура сургуулиа зарсанд тус сургуулийн сурагчдын эцэг эхчүүд бухимджээ
МУГЖ, дуучин Т.Баясгалан Сакура сургуулиа зарсанд тус сургуулийн сурагчдын эцэг эхчүүд бухимджээ
Энэ мэдээ хуучирсан буюу 2022/03/30-нд нийтлэгдсэн мэдээ болно.

Шинэ мэдээ