Тува улсын иргэд Монгол Улсын хил зөрчин адуу хулгайлаад баригджээ. Тодруулбал, 3 дугаар сарын 21-22-нд шилжих шөнө Увс аймгийн Бөхмөрөн сумын нутаг дэвсгэрээс иргэн Г болон Д нарын нийт 40 гаруй тооны адууг ОХУ-ын Тува улсын бүлэг иргэд хулгайлсан зөрчил гарчээ. Үүнтэй холбогдуулан ОХУ болон Монгол улсын хамтарсан комиссын бүрэлдэхүүн шуурхай эрэн хайх ажиллагааг ОХУ-ын нутаг дэвсгэрт зохион байгуулж, үр дүнд нийт 40 тооны адууг эргүүлэн авчээ.
