Тухайн орон нутгийн цагаар 3-р сарын 27-нд АНУ-ын Ерөнхийлөгч Жо Байден Европт хийсэн гурван өдрийн айлчлалынхаа дараа Вашингтондоо буцжээ. АНУ-ын “Улстөрч” вебсайтад бичихдээ: "Уг айлчлал нь Украины хямралыг шийдвэрлэхэд “тодорхой хариулт өгөөгүй” гэсэн байна. Харин ч АНУ-ын дэвшүүлсэн эрчим хүч, цэргийн аюулгүй байдлын тухай саналууд нь Европын тулгамдсан асуудлыг шийдэж чадаагүй төдийгүй Украины хямралд гал дээр тос нэмсэн явдал болсон.

Үүнээс гадна Байден Польшийн нийслэл Варшавт үг хэлэхдээ: "Путин цаашид Засгийн эрхэнд байх болохгүй" гэсэн нь шуугиан тарьсан. Дараахан нь Цагаан ордон байр сууриа өөрчилсөн ч энэ "алдаа" нь Вашингтоны жинхэнэ төлөвлөгөөг илчилсэн бөгөөд Украины хямралыг ашиглан Оросын хөгжлийг сааруулж, ЕХ-ын хүчийг сулруулан, өөрийн ноёрхлоо хадгалах гэж буй нь тодорхой болсон гэхэд болно.

Үүнтэй холбогдуулан Францын ерөнхийлөгч Макрон онцлохдоо: "Францын зорилго бол дипломат аргаар гал зогсоож, цэргээ эргүүлэн татах явдал бөгөөд бид нөхцөл байдал хурцдахыг хүсэхгүй" гэлээ. Энэхүү байр суурь нь Орос, Украины мөргөлдөөнийг зохицуулах тал дээр АНУ болон Европ маш их санал зөрөлдөөнтэй байгааг харуулж байна. Хоёр хүчний зорилго өөр байх үед өнгөн дээрээ хичнээн нэгдмэл байсан ч хагарал, зөрөлдөөнийг шийдвэрлэж чадахгүй.

Хятадын Олон Улсын Радио энэ тухай: "Европ газрын тос, байгалийн хийн үнийн өсөлтийн дарамтад байгаа энэ үед АНУ LNG-ээ Европын холбоонд худалдан, дундаас нь ашиг олохыг бодож байна. Европыг албадан дундаас нь ашиг олохыг боддог, холбоотондоо хорон санаа гаргадаг орон Америк л байж таарна.

Ноёрхлын логикийн хувьд зөвхөн "Америк тэргүүлэх" байх ёстой бөгөөд "холбоотон түнш" гэж байдаггүй. Европын хувьд жинхэнэ аюулгүй байдал нь тэнцвэртэй, үр дүнтэй, тогтвортой бүс нутгийн аюулгүй байдлын бүдүүвч зургийг бий болгох явдал юм. Байнга л Америкт хуурагдаж буй Европ алдаагаа дахин давтах ёсгүй." гэжээ.

Г.Бямба

sonin.mn