УИХ-ын чуулганы нэгдсэн хуралдаанаар Засгийн газрын үйлчилгээний хөтөлбөрийн хэрэгжилтийг хэлэлцэж байна.
Энэ үеэр Эрчим хүчний сайд Н.Тавинбэх:
"Эрчим хүчний салбар амаргүй хүнд нөхцөл байдалд байна. Цахилгаан, дулааны эрчим хүч үйлдвэрлэлээс хэрэглээ нь давсан.
Үйлдвэрлэл, дамжуулах, түгээх шугам сүлжээний ашиглалтын хугацаа дууссан байна. Шинэ эх үүсвэр барих, өргөтгөх, шинэчлэх зайлшгүй шаардлага байна. Энэ нөхцөл байдал өнөөдөр үүсээгүй. Өнгөрсөн хугацаанд төлөвлөсөн ажлаа цаг хугацаанд нь хийгээгүйтэй холбоотой. Одоо цаг хугацаа алдахгүй хийхгүй бол чадлын дутагдалд орж, цаашид өсөн нэмэгдэх хэрэгцээг хязгаарлахаас өөр аргагүй байдалд орно. Одоогийн хэрэглэгчдийн эрчим хүчний найдвартай хэрэглээг хангах техникийн боломжгүй болоод байна. 2022, 2023, 2024 оны өвлөөс эхлээд хязгаарлалт хийх төлөв байдалтай байна.
