УИХ-ын өнөөдрийн чуулганаар Засгийн газрын мөрийн хөтөлбөрийн биелэлтийг хэлэлцэж байна.
Энэ үеэр ЗХЭГДарга Ц.Нямдорж: “Нэг их хүн загнасан хүмүүс байх юм. Би чинь энд 500 гаруй хүнтэй сууж үзсэн хүн. Гэхдээ өдөр бүр хүн загнаад байдаг хүн байгаагүй. Мөрийн хөтөлбөрийн хэрэгжилт 4 жил байдаг шд. Тэрний хэрэгжилтийг л 2021 онд гаргаж тавьж байгаа. Засгийн газар хоёр жил гаруй тасралтгүй ковидын асуудлыг хэлэлцэж ирсэн. Харин одоо долоо хоног болгон эдийн засгийн асуудлыг ярьж байна. OХУ-д болон олон улсад болж буй эдийн засгийн нөхцөл байдлын хаялага нь бодитойгоор орж ирээгүй байгаа учраас УИХ-д ийм шийдвэр гаргая гэдэг тоймтой санал оруулах бололцоо яг өнөө маргаашдаа бага байна. ОХУ-ын байгалийн хий импорт рублээр төлөгдөхгүй бол хойноосоо юу дагуулах нь мэдэгдэхгүй, бинзений зах зээл цаашдаа хэрхэн өөрчлөгдөхийг хэн ч мэдэхгүй шүү дээ.
Долоо хоног болгон ярьж байгаад саяхан нэг арга хэмжээ авсан нь Монгол Банкны бодлогын хүүг нэмэгдүүлсэн явдал байсан. Ард түмний амьдралын нөхцөл байдал хүнд, бизнесийн нөхцөл байдал хүнд гэдэг нь бүгдээрээ үнэн. Зөвхөн Монголд хүндрээд байгаа юм биш”гэв.