-Барууны орнуудын Оросын эсрэг авсан хориг арга хэмжээнд олон орон сэтгэл дундуур байна-

Барууны орнуудын Оросын эсрэг тавьсан хориг арга хэмжээ олон улс орныг “хөлдөө чирч” байна. Тиймээс G-20-ийн дээд хэмжээний уулзалтын үеэр тэрхүү хоригуудыг нэг бол цуцлах, эсвэл огт хэрэглэхгүй байх талаар яригджээ.

Бараа, үйлчилгээний үнэ нэмэгдэж байгаа нь АНУ болон Европын хүн амыг улам бүр түгшээж байгаа бөгөөд үүнтэй холбоотойгоор хориг арга хэмжээг цуцлах тухай яригдаж эхэлсэн нь нэгэнт тодорхой болжээ. Энэ тухай Плехановын нэрэмжит Оросын Эдийн засгийн их сургуулийн Мэдээлэл зүйн тэнхимийн дэд профессор Александр Тимофеев мэдээлжээ.

"АНУ ОХУ-аас бордоо импортлох хориг арга хэмжээг аль хэдийн цуцалж, технологи, интернеттэй холбоотой програм хангамж, тоног төхөөрөмж нийлүүлэхийг зөвшөөрсөн" гэж тэрбээр тоотгожээ.

Европ Оросын "Хойд урсгал 2" хийн хоолойг царцаахгүй байх тухай ярьж эхэллээ. Хэдийгээр хамгийн чанга хориг арга хэмжээнд байгаа ч Орос улс дотоодын зах зээлээ сэргээн босгож, худалдааны шинэ түншүүдтэй болж байгааг олон хүн харж, эдгээр хязгаарлалтууд утга учиртай эсэхийг гайхаж байна.

Тимофеевийн хэлснээр, хориг арга хэмжээг цуцлах нь гарцаагүй, гэхдээ АНУ болон Европын амьжиргааны түвшинд хэр их цохилт өгөхөөс шалтгаалж хэдэн жил юм уу, хэдэн сарын дараа ийм зүйл болно.

Эх сурвалж: Риа новости