fbpx “Дом, шившлэгтэй” хэвлэлийн хурлууд үргэлжилсээр…
 
Энэ мэдээ хуучирсан буюу 2022/05/16-нд нийтлэгдсэн мэдээ болно.
Ангилал
Улс төр
Огноо
Унших
2 минут 39 секунд

“Дом, шившлэгтэй” хэвлэлийн хурлууд үргэлжилсээр…

Нийслэлийн Ардчилсан намаас энэ сарын 11-ний өдөр Хэлмэгдэгсдийн хөшөөний өмнө цуглаан зохион байгуулах үеэр үг хэлж байсан гавьяат жүжигчин Д.Сосорбарам руу Х.Бээжин нарын эсэргүүцэгчид гурил цацсан. Гэтэл өнөөдөр Х.Бээжин “дотоодын дайсан болсон Э.Бат-Үүл нарт гурил цацаж, эхний сануулга өгсөн” гэх утга бүхий мэдээлэл хийв. Тэрээр дараагийн арга хэмжээ болгож, сахилгагүй хүүхдээ хүмүүжүүлдэг эртний дом ёсоор Э.Бат-Үүл нарыг ташуураар ороолгож, дом хийнэ гэв. Хэвлэлийн хурлыг манай зарим сайтууд лайвдав. Мэдээж, Үндсэн хуулиар олгогдсон эрхийнхээ дагуу үг хэлэх эрх нь түүнд бий. Харин дамжуулах эсэх нь манай хэвлэл мэдээллийнхний эрх. Ямартай ч дамжуулж байгаа лайвыг хангалттай олон хүн сонирхож үзэв. Харамсалтай нь тэдний бичиж байгаа сэтгэгдлээс харвал “монголчууд дээр доргүй галзуурчээ” гэж хэлмээр...

Яг үнэндээ Ардчиллын анхдагч, Монгол Улсын баатар Э.Бат-Үүл ч цоо эрүүлээр сэтгэж ярьсангүй. Тэрбээр хэвлэлийн хурал зарлаж гарч ирээд “И.К.Азизов, В.Путин, Х.Баттулгын шившлэгтэй бодис цацчихав уу л гэж бодлоо” хэмээн ярьсан.

Араас нь Х.Бээжин нар “Бат-Үүлийг ташуураар домнож, номхруулна” хэмээн хэвлэлийн хурал хийж байдаг. Гэтэл түүний хэвлэлийн хурлын дор монголчууд “Зөв болж, Дэмжиж байна. Ташуураа бариад оч” гэх зэргээр бичжээ. Бид чинь хэддүгээр зуунд амьдраад байгаа хэрэг вэ.

Элдэв дом, шившлэгт итгэдэг 1921 он уу.

Дэлхий хиймэл оюун ухаан, цахим ертөнцийн талаар ярьж байхад бид 1921 ондоо сэтгэж бодоод амьдарч байна уу. “Өнгөрсөн руугаа гар буугаар буудвал ирээдүй их буугаар буудна” гэдэг үгийг хэн ч юм хэлсэн байдаг. Бид ардын маань сайхан үг байдаг хэмээн үүнийг иш татан хэлдэг. Тэгэхээр аль ч түвшиндээ өнгөрснийг өнгөрсөнд үлдээхсэн дээ. Дэлхий нийт улс орноо хэрхэн хүнсний хомсдолд оруулчихалгүй өнөөдрийн эдийн засгийн хямралыг даван гарах тухай толгой гашилгаж байхад бид 15 хувьд хүрсэн инфляцтай ч дом шившлэгийн талаар хэрэлдэж сууна.

Эх сурвалж: Toim.mn

Б.Цогт-Очир: ЕБС-иас 500 метрийн радиус дотор байрлах дэлгүүрүүдэд цахилгаан тамхи цаашид нийлүүлэхгүй
Б.Цогт-Очир: ЕБС-иас 500 метрийн радиус дотор байрлах дэлгүүрүүдэд цахилгаан тамхи цаашид нийлүүлэхгүй
 
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
Энэ мэдээ хуучирсан буюу 2022/05/16-нд нийтлэгдсэн мэдээ болно.

Шинэ мэдээ