fbpx Монголын покерын шигшээ баг ДАШТ-д өрсөлдөнө
 
Энэ мэдээ хуучирсан буюу 2022/05/16-нд нийтлэгдсэн мэдээ болно.
Ангилал
Нийгэм
Огноо
Унших
1 минут 51 секунд

Монголын покерын шигшээ баг ДАШТ-д өрсөлдөнө

Монголын чөлөөт покерын спортын холбооны шигшээ багийн тамирчид покерын ДАШТ-д оролцох болсон талаараа мэдээллээ. Покерын холбооны төлөөллүүд "Манай холбоо нь 2009 онд анх байгуулагдсан бөгөөд өнгөрсөн онд олон улсын матч покерын холбоонд (IFMP) гишүүнээр элссэн юм.

Монголын покерын шигшээ баг өнгөрсөн онд Азийн урьдчилсан АШТ-нд оролцож Өмнөд Солонгос, Тайван, Израил, Сингапур, Филиппиний багийг хожсон юм. Энэ нь дэлхийн аварга шалгаруулах тэмцээнд оролцох эрхийг олгосон. Тэмцээн тавдугаар сарын 23-27 ны өдрүүдэд Умард Македоны Гевгелияа хотод зохион байгуулагдана.

Мөрийтэй тоглоомын тухай хуулиар покерыг хориглосон. Энэ нь биднийг бэлтгэл хийх боломжгүй болгож байна. Нөгөөтээгүүр покерын тоглоомыг хуулиар хориглосон учир нийгэмд хууль бус мөрийтэй тоглоом цэцэглэн хөгжих үндэслэлийг бүрдүүлж байна. Үүнийг покерын гаднын сайт дээр манай улсын 30 мянга орчим хүн бүртгэлтэй байгаагаас харж болно. Тиймээс энэ хуульд өөрчлөлт оруулах шаардлагатай байна. Аливаа зүйлийг хориглох бус зохицуулах нь хамгийн зөв шийдвэр байдаг.

Покер нь тоглогчоос математик сэтгэхүй, тооцоолон бодох чадвар, ой тогтоолт, магадлалын онол, сэтгэл зүйн ур чадвар шаарддаг дэлхийд хүлээн зөвшөөрөгдсөн оюуны спорт юм. Покерыг урьдчилан таамаглах бүрэн боломжтой учраас мөрийтэй тоглоомоос ялгаж ойлгох хэрэгтэй. Матч покерыг дараагийн олимпод оруулахаар судалж буй. Бид цаашид спортын тэмцээн уралдаанд идэвхтэй оролцоно" гэв.

Хүний аминд хүрсэн Эйч Кэ Би интернэшнл холдинг, Жан овогтыхонд хууль дүрэм үйлчилдэггүй
Хүний аминд хүрсэн Эйч Кэ Би интернэшнл холдинг, Жан овогтыхонд хууль дүрэм үйлчилдэггүй
 
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
Энэ мэдээ хуучирсан буюу 2022/05/16-нд нийтлэгдсэн мэдээ болно.

Шинэ мэдээ