fbpx Азовсталь үйлдвэрээс Украины тал 264 цэргээ гаргаж авлаа
 
Энэ мэдээ хуучирсан буюу 2022/05/17-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 51 секунд

Азовсталь үйлдвэрээс Украины тал 264 цэргээ гаргаж авлаа

Оросын талтай олзны цэргүүд солилцох тохиролцоонд хүрсний дагуу Украины засгийн газар Мариуполь хотын Азовсталь үйлдвэрээс шархадсан 264 цэргээ гаргаж авлаа.

Эхний ээлжид хүнд шархтай 53 цэргийг салан тусгаарлагчдын хяналтад байгаа Новоазовск сууринд автобусаар хүргэсэн байна.

Дараа нь өөр 211 цэргийг мөн салан тусгаарлагчдын хяналтад буй Оленовка тосгонд хүргэжээ.

Цэргүүдэд эмнэлгийн тусламж үзүүлж байгаа ба дараа нь Оросын олзны цэргүүдээр солилцох, гэрт нь хүргэх арга хэмжээнүүдийг дараалан авахаа Украины батлан хамгаалах яам мэдээлсэн байна.

Азовын тэнгисийн гол боомт Мариуполь хот дайны эхний өдрөөс эхлэн Оросын цэргийн бүслэлтэд байгаа. Одоо хотыг хамгаалагч Украины цэргүүд Азовсталь төмөрлөгийн үйлдвэрийн цогцолборт эсэргүүцэн тулалдаж байна.

Тавдугаар сарын эхээр үйлдвэрт толгой хоргодож байсан энгийн иргэдийг нүүлгэн шилжүүлж дууссан ба одоо зөвхөн цэргүүд үлдээд байгаа юм.

Мариуполь хотын байшин барилгын 90 гаруй хувь Оросын бөмбөгдөлтөд сүйрсэн байна.

Украины ерөнхийлөгч Володимир Зеленский хэлсэн үгэндээ “Украины баатрууд бидэнд амьдаараа хэрэгтэй” гэж мэдэгджээ.

Азовсталь үйлдвэрт Украины цэргүүд бууж өгөлгүй олон хоног эсэргүүцэн тулалдаж байгаагийн хүчинд Оросын 20,000 орчим цэрэг Мариуполь хотоос явах боломжгүй болсон. Энэ нь Донбассын бусад хотуудыг эзлэх Оросын төлөвлөгөөнд томоохон саад учруулж, цаг хожих боломж олгож буйг Украины армийн генерал онцлоод Мариуполийн хамгаалагчдыг “манай үеийн баатрууд” хэмээн магтсан байна.

Эх сурвалж: BBC

Монголын покерын шигшээ баг ДАШТ-д өрсөлдөнө
Монголын покерын шигшээ баг ДАШТ-д өрсөлдөнө
 
“Алдагдсан боломжийн 80 их наядыг экс Ерөнхийлөгчөөс нэхэмжлэх ёстой!“
“Алдагдсан боломжийн 80 их наядыг экс Ерөнхийлөгчөөс нэхэмжлэх ёстой!“
Энэ мэдээ хуучирсан буюу 2022/05/17-нд нийтлэгдсэн мэдээ болно.

Шинэ мэдээ