Bloomberg агентлагийн мэдээлснээр Илон Маск “нийгмийн сүлжээн дэх хуурамч болон спам хаяг дор хаяж 20 хувьтай байгаа бөгөөд судалгаагаар гэх 5 хувьд биш цаашдаа 90 хувьд ч хүрч магадгүй байна” гэж мэдэгджээ.
Тиймээс Twitter-ийг өмнө нь зарласан 44 тэрбум ам.доллараас доогуур үнээр авч болзошгүй нөхцөл байдал үүссэн гэдгийг тэрбумтан үгүйсгээгүйг мэдээлэв.
Даваа гарагт Маск хаалттай онлайн хурал дээр хэлсэн үгэндээ үүнийг онцлоод өөрт нь илүү таатай нөхцлөөр ашигтай хэлэлцээрт хүрэх боломж гарсныг үгүйсгэх аргагүй гэсэн байна.
Тэрбээр энэ сарын 13-нд спам хаягууд болон хуурамч хаягууд нь нийгмийн сүлжээний хэрэглэгчдийн 5 хүрэхгүй хувийг эзэлдэг гэсэн тооцоог батлах мэдээлэл гарах хүртэл Твиттерийг худалдан авахаа түр хойшлуулж байгаагаа мэдэгдсэн. Мөн санамсаргүй байдлаар сонгогдсон 100 Twitter хаягийн үнэн зөв эсэхийг шалгах болно гэж онцолсон.
Дөрөвдүгээр сарын 25-нд Твиттерийн удирдлагууд Маск компанийг 44 тэрбум ам.доллараар худалдаж авахаар болсон талаар мэдээлэл цацсан билээ. АНУ-ын Үнэт цаас, биржийн комиссын мэдээлснээр тэрбумтан гэрээгээ цуцлах шийдвэр гаргавал тус компанид нэг тэрбум ам.долларын торгууль төлөх ёстой. Хэлэлцээрийн эцсийн хугацааг 10-р сарын 24-нд товлосон байна.
