fbpx Монгол Улсад дэмжлэг үзүүлэхээр шуурхай ажиллаж байгаа Азийн хөгжлийн банканд талархал илэрхийлэв
 
Энэ мэдээ хуучирсан буюу 2022/05/26-нд нийтлэгдсэн мэдээ болно.
Ангилал
Улс төр
Огноо
Унших
2 минут 19 секунд

Монгол Улсад дэмжлэг үзүүлэхээр шуурхай ажиллаж байгаа Азийн хөгжлийн банканд талархал илэрхийлэв

Улсын Их Хурлын дарга Г.Занданшатар өнөөдөр (2022.05.26) Азийн хөгжлийн банкны Монгол Улсыг хариуцсан захирал Павит Рамачандран тэргүүтэй төлөөлөгчдийг хүлээн авч уулзлаа. Улсын Их Хурлын дарга Г.Занданшатар өнөөдөр үүсээд байгаа гадаад, дотоодын улс төр, эдийн засгийн нөхцөл байдал Монгол Улсын эдийн засаг, төсөв, төлбөрийн тэнцэлд сөргөөр нөлөөлж, гадаад валютын нөөцөд хүчтэй дарамт үзүүлж байна. Энэ хүрээнд Азийн хөгжлийн банкны Монгол Улсад 2022-2023 онд үзүүлэх төсвийн дэмжлэгийн арга хэмжээг цаашид үргэлжлүүлэн хэлэлцэж, шийдвэрлэх нь бидэнд нэн чухал байна гэв.

сонин mn

Ноён Павит Рамачандран Улсын Их Хурлын даргыг цаг зав гарган хүлээн авч уулзаж байгаад талархал илэрхийлээд энэхүү онцгой байдлын үед Монгол Улсад дэмжлэг үзүүлэхээр шуурхай ажиллаж, 100.0 сая ам.долларын төсвийн дэмжлэгийг олгохоор шийдвэрлээд байна. Мөн урт хугацааны төсвийн дэмжлэг үзүүлэхээр ажиллаж байгаа бөгөөд энэ оны сүүлээр батлагдах төлөвтэй гэв. Түүнчлэн Монгол Улс, Азийн хөгжлийн банк хамтран хэрэгжүүлэх хоёр зээлийн хэлэлцээр Улсын Их Хурлаар хараахан батлагдаагүй байгаа. Уг хоёр зээл олгохыг Азийн хөгжлийн банкны Удирдах зөвлөлөөр батлагдсан тул энэ хаврын чуулганы хугацаанд багтаан шийдвэрлэж өгөхийг Улсын Их Хурлын даргаас хүсэв.

сонин mn

Улсын Их Хурлын дарга Г.Занданшатар энэхүү онцгой байдлын үед Монгол Улсад дэмжлэг үзүүлэхээр шуурхай ажиллаж байгаа Азийн хөгжлийн банканд талархал илэрхийлэв. Тэрбээр, дээрх хоёр зээлийн хэлэлцээрийг батлуулахад анхаарч ажиллана гээд Улсын Их Хурал төрийн бүх шатны болон төрийн өмчит компаниудыг хэмнэлтийн горимд шилжүүлэх, төрийн өмчит байгууллагуудын шинэчлэл зэрэг чухал арга хэмжээг хэрэгжүүлж эхлээд байгааг уулзалтын үеэр дурдав гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.

Оюутолгой ХХК-ийн өр 12.5 тэрбум ам.доллар байна
Оюутолгой ХХК-ийн өр 12.5 тэрбум ам.доллар байна
 
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
Энэ мэдээ хуучирсан буюу 2022/05/26-нд нийтлэгдсэн мэдээ болно.

Шинэ мэдээ