Туркийн Ерөнхийлөгч Режеп Тайип Эрдоган Владимир Путиныг НҮБ-ын зуучлалаар Москва, Киевийн хооронд Истанбулд яриа хэлэлцээ зохион байгуулахыг урив. Тэрбээр энэ санаачилгыг Путинтэй утсаар ярих үеэрээ мэдэгдсэн байна.
"Эрдоган Оросын ерөнхийлөгч Владимир Путинтэй хэлэлцээ хийх үеэрээ Истанбул хотод Орос, Украин, НҮБ-ын төлөөлөгчдийн хооронд уулзалт хийх санал тавьсан" гэж Туркийн удирдагчийн ажлын албаныхан мэдээлжээ
2-р сарын 24-нөөс хойш Орос улс Украинд цэргийн тусгай ажиллагаа явуулж байгаа бөгөөд Владимир Путин энэ үйлдлийнхээ зорилгыг "8 жилийн турш Киевийн дэглэмд дээрэлхүүлж, хоморголон устгагдаж буй хүмүүсийг хамгаалах" гэж нэрлэсэн.
БХЯ-ны мэдээлснээр, Оросын арми эхний шатны үндсэн даалгавраа биелүүлсэн. Энэ нь Украины байлдааны хүчин чадлыг мэдэгдэхүйц бууруулсан явдал байв. Дараагийн гол зорилго нь Донбассыг чөлөөлөх .
Анкара үүнээс өмнө Орос, Украины төлөөлөгчдийн хэлэлцээний платформын үүрэг гүйцэтгэсэн бөгөөд дараа нь тус хоёр орны хэлэлцээр алсын зайнаас цахимаар явагдаж байгаа гэх мэдээлэл бий.
Эх сурвалж: РИА новости