ОХУ-ын арми өнгөрөгч амралтын өдөр Киев рүү пуужин харважээ. Сануулахад дөрөвдүгээр сарын сүүлчээс өнөөг хүртэл тус хот ямар нэг дайралт халдлагад өртөөгүй байсан юм.
ОХУ-ын Батлан хамгаалах яамны хэвлэлийн төлөөлөгч Игорь Конашенков Киев рүү довтолсон гол бай нь Украины хуягт зэвсгүүд байсан гэжээ. Түүний хэлснээр элгээр зэвсгийг Киев хотын захад байрлах " Вагон засварын заводын барилгад байрлуулсан байжээ.
Тэрбээр “Оросын агаар сансарын хүчин Зүүн Европын орнуудаас нийлүүлсэн Т-72 танк болон бусад хуягт машинуудыг өндөр нарийвчлалтай алсын тусгалтай пуужингаар агаараас харваж байг устгасан гэжээ.
Гэвч Укрзализнициа (Украины төмөр зам) үйлдвэрт зөвхөн вагон, үр тариа тээвэрлэгч машинууд байгаа гэж мэдэгдэж, сэтгүүлчдийг газар дээр нь очиж үзэхийг урьсан байна.
Түүнчлэн Оросын БХЯ сүүлийн нэг хоногийн байлдааны ажиллагааны талаархи доорхи мэдээллийг өглөө. Үүнд:
-Оросын цэргийнхэн Одесса хотын дээр Украины тээврийн Ан-26 онгоцыг сөнөөсөн.
-Славянск суурингийн ойролцоо болсон агаарын тулалдааны үеэр Украины Агаарын цэргийн хүчний МиГ-29 онгоцыг сөнөөв;
-Украины Зэвсэгт хүчний байрлаж байгаа 65 байршилд агаараас цохилт өгсөн. Үүний үр дүнд 350 гаруй цэргийн албан хаагч амь үрэгдэж, 10 танк, хуягт машин, Град MLRS-ийн хоёр төхөөрамжийг устгасан.
Эх сурвалж: Toim.mn
